نۇرسۇلتان نازارباەۆ حالىقارالىق ەۋەجايىندا «نۇر-سۇلتان - فرانكفۋرت» باعىتىنداعى №كس-921 رەيسٸن تەكسەرۋ بارىسىندا قر مەملەكەتتٸك شەكاراسىن نيدەرلاندى كورولدٸگٸ ازاماتىنىڭ پاسپورتىمەن كەسٸپ ٶتپەك بولعان سومالي ازاماتى ۇستالدى, دەپ حابارلايدى "ۇلت اقپارات" قر ۇقك شەكارا قىزمەتٸنە سٸلتەمە جاساپ.
شەكارا جاساعى سومالي ازاماتىنىڭ بەت پٸشٸنٸ سۋرەتتەگٸ ازاماتقا ۇقسامايتىنىن بايقاپ, قۇجاتتى قاتاڭ تەكسەرٸستەن ٶتكٸزگەن. نەتيجەسٸندە پاسپورت وعان تيەسٸلٸ ەمەس ەكەنٸ انىقتالدى.
قوسىمشا تەكسەرٸس جٷرگٸزٸپ, مەملەكەتتٸك شەكارانى زاڭسىز كەسٸپ ٶتۋ سەبەپتەرٸن انىقتاۋ كەزٸندە سومالي ازاماتىنىڭ ەلٸمٸزدەگٸ وقۋ ورىندارىنىڭ بٸرٸندە وقيتىن ستۋدەنت ەكەنٸ انىقتالدى. قازاقستانعا قازاندا ۇشىپ كەلگەن, قازاقستاندىق ۆيزاسىنىڭ مەرزٸمٸ ٶتٸپ كەتكەندٸكتەن ٶزٸ سەكٸلدٸ ستۋدەنت دوسىنىڭ پاسپورتىن پايدالانباق بولعان.
سومالي رەسپۋبليكاسىنىڭ ازاماتى ەكٸمشٸلٸك جاۋاپكەرشٸلٸككە تارتىلۋى مٷمكٸن.
