Nursultan Nazarbaev halyqaralyq áýejaiynda «Nur-Sultan - Frankfýrt» baǵytyndaǵy №KS-921 reisin tekserý barysynda QR memlekettik shekarasyn Niderlandy Koroldigi azamatynyń pasportymen kesip ótpek bolǵan Somali azamaty ustaldy, dep habarlaidy "Ult aqparat" QR UQK shekara qyzmetine silteme jasap.
Shekara jasaǵy Somali azamatynyń bet pishini sýrettegi azamatqa uqsamaitynyn baiqap, qujatty qatań tekseristen ótkizgen. Nátijesinde pasport oǵan tiesili emes ekeni anyqtaldy.
Qosymsha tekseris júrgizip, memlekettik shekarany zańsyz kesip ótý sebepterin anyqtaý kezinde Somali azamatynyń elimizdegi oqý oryndarynyń birinde oqityn stýdent ekeni anyqtaldy. Qazaqstanǵa qazanda ushyp kelgen, qazaqstandyq vizasynyń merzimi ótip ketkendikten ózi sekildi stýdent dosynyń pasportyn paidalanbaq bolǵan.
Somali Respýblikasynyń azamaty ákimshilik jaýapkershilikke tartylýy múmkin.
