سولتٷستٸك كورەيا تٷرمەسٸندە بٸر جىلدان استام ۋاقىت قاماۋدا بولعان امەريكالىق ستۋدەنت وتتو ۋورمبەر قايتىس بولدى. بۇل تۋرالى ونىڭ اتا-اناسى حابارلادى. سولتٷستٸك كورەيادا كوماعا تٷسكەن ۋورمبەر بٸرنەشە كٷن بۇرىن اقش-قا قايتارىلعان ەدٸ.
"امال نە, ۇلىمىزدىڭ سولتٷستٸك كورەيالىقتاردان كٶرگەن ادام تٶزگٸسٸز ازابى قايعىعا دۋشار ەتتٸ" دەلٸنگەن اتا-اناسى سيندي جەنە فرەد ۋورمبەردٸڭ مەلٸمدەمەسٸندە. اقش پرەزيدەنتٸ دونالد ترامپ وتتو ۋورمبەردٸڭ تۋىستارى مەن جاقىندارىنا كٶڭٸل ايتتى. "مەنٸڭ ەكٸمشٸلٸگٸم وتتونىڭ باسىنا تٷسكەن تاعدىردان زاڭ ٷستەمدٸگٸ مەن قاراپايىم عانا ادامي قۇندىلىقتاردى ەلەمەيتٸن رەجيمدەردٸڭ قولىندا بەيكٷنە ادامداردىڭ مۇنداي قايعىعا تاپ بولۋىنىڭ الدىن الۋداعى باتىلدىعىن ەسەلەپ جٸبەردٸ" دەدٸ ترامپ.
ىقپالدى سەناتور بەن كاردين سولتٷستٸك كورەيا رەجيمٸن "تاعىلىق ەرەكەتٸن جالعاستىرىپ وتىرعانى" ٷشٸن جاۋاپقا تارتۋ قاجەتٸن مەلٸمدەدٸ. "اقش ٶز ازاماتتارىنىڭ جاۋ ەلدەردە قازا تاپقانىنا تٶزە المايدى" دەدٸ سەناتور دجون ماككەين.
وتتو ۋورمبەردٸڭ قازاسىن ەكٸ كٷننەن سوڭ ۆاشينگتوندا كەزدەسەتٸن اقش پەن قىتايدىڭ سىرتقى ٸستەر جەنە قورعانىس مينيسترلەرٸ تالقىلايدى دەگەن بولجام بار. اقش وتتو ۋورمبەر سولتٷستٸك كورەيادا قاماۋدا وتىرعاندا وعان نە بولعانىن انىقتاۋ ٷشٸن قىتايدىڭ كٶمەگٸنە جٷگٸنبەك نيەتتە.
امەريكالىق بٸرنەشە كونگرەسمەن امەريكالىقتاردىڭ سولتٷستٸك كورەياعا تۋريستٸك ماقساتتا بارۋىنا تىيىم سالىپ, ليتسەنزييا ارقىلى عانا ساپارلايتىن ەرەجە ەنگٸزۋدٸ ۇسىندى.
ۆيردجينييا ۋنيۆەرسيتەتٸنٸڭ 22 جاستاعى ستۋدەنتٸ وتتو ۋورمبەرگە 2016 جىلى ناۋرىزدا 15 جىل مەجبٷرلٸ ەڭبەككە جەگٸلۋ جازاسى كەسٸلگەن ەدٸ. ول سولتٷستٸك كورەيادا بولعانىندا قوناقٷيدە قابىرعادا ٸلٸنٸپ تۇرعان ساياسي پلاكاتتى جىرتىپ تاستاعانى ٷشٸن قامالعان. ۋورمبيەردٸڭ سوتى بٸر-اق ساعات بولعان. سودان بەرٸ ونى كٶپشٸلٸك الدىنا شىعارماعان. ۋورمبەردٸڭ نە سەبەپتٸ كوماعا تٷسكەنٸ ەزٸرگە بەلگٸسٸز. امەريكالىق دەرٸگەرلەر سولتٷستٸك كورەيا بيلٸگٸنٸڭ ۋورمبەر بوتۋليزممەن اۋىرىپ كوماعا تٷستٸ دەگەن رەسمي تۇجىرىمىن جوققا شىعارادى. امەريكالىق باق-تىڭ حابارلاۋىنشا, ۆاشيتنگتون ۋورمبەردٸڭ قازاسىنا جاۋاپ شارالارى رەتٸندە پحەنيانعا جاڭا سانكتسييالار سالۋى مٷمكٸن.
