وڭتٷستٸك كورەيا مەن اقش ەسكەري شەنەۋنٸكتەرٸنٸڭ حابارلاۋىنشا, سولتٷستٸك كورەيا جاپون تەڭٸزٸنە قاراي بالليستيكالىق زىمىران اتقان. زىمىران اقش پرەزيدەنتٸ دونالد ترامپتىڭ پحەنياننىڭ باستى وداقتاسى - قىتاي پرەزيدەنتٸ سي تسزينپينمەن كەزدەسۋٸنٸڭ قارساڭىندا جاسالىپ وتىر.
وڭتٷستٸك كورەيا قورعانىس مينيسترلٸگٸنٸڭ بٷگٸن تاراتقان مەلٸمدەمەسٸندە سولتٷستٸك كورەيا بالليستيكالىق زىمىرانىن سينپو اۋدانى ماڭىنان جاپون تەڭٸزٸنە اتقانى ايتىلادى. اقش ەسكەري شەنەۋنٸكتەرٸنٸڭ حابارلاۋىنشا, الدىن الا مەلٸمەتتەرگە ساي ورتا راديۋستا ەرەكەت ەتەتٸن KN-15 بالليستيكالىق زىمىرانى ۇشىرىلعان. امەريكالىق ەسكەريلەر بۇل زىمىران سولتٷستٸك امەريكا قۇرلىعىنا قاۋٸپ تٶندٸرمەيدٸ دەيدٸ.
ەگەر زىمىران راسىمەن بالليستيكالىق بولسا, وندا ول پحەنياننىڭ وڭتٷستٸك كورەيا, جاپونييا مەن اقش-قا جەنە سولتٷستٸك كورەيانىڭ بالليستيكالىق زىمىران باعدارلاماسىن ايىپتاعان باسقا دا مەملەكەتتەرگە كەزەكتٸ دوق كٶرسەتۋٸ بولىپ سانالادى. سىناق قىتايدىڭ دا الاڭداۋشىلىعىن تۋدىردى. بالليستيكالىق زىمىراندى پايدالانىپ سىناق جاساۋ - بۇۇ قاۋٸپسٸزدٸك كەڭەسٸنٸڭ قارارىن بۇزۋ بولىپ سانالادى.
اقش پرەزيدەنتٸ دونالد ترامپ بۇعان دەيٸن قىتايدى پحەنيانعا زىمىران باعدارلاماسىن تەجەۋٸنە ىقپال ەتۋگە شاقىرعان. ول ەگەر قىتاي بۇل مەسەلەگە ارالاسقىسى كەلمەسە, وندا ۆاشينگتوننىڭ دەربەس ٶزٸ قيمىلداي الاتىنىن دا ەسكەرتكەن.
دونالد ترامپ پەن سي تسزينپين 6-7 سەۋٸردە ترامپتىڭ فلوريدا شتاتىنداعى مار-ا-لاگو رەزيدەنتسيياسىندا كەزدەسپەك.
