سولتٷستٸك كورەيا 18 قاراشادا قۇرلىقارالىق بالليستيكالىق زىمىرانىن سىنادى. ول, شامامەن, جاپونييادان 200 شاقىرىم جەرگە قۇلاعان.
جۋرناليستەردٸڭ سۇراقتارىنا جاۋاپ بەرگەن جاپونييانىڭ رەسمي تۇلعالارى سىنالعان زىمىراننىڭ اقش اۋماعىنا جەتۋگە شاماسى بارىن ايتتى.
توكيودان بٶلەك, سولتٷستٸك كورەيانىڭ زىمىران سىناعى جٶنٸندە وڭتٷستٸك كورەيا بيلٸگٸ دە حابارلادى.
بٸر كٷن بۇرىن سولتٷستٸك كورەيا قىسقا قاشىقتىققا ۇشاتىن بالليستيكالىق زىمىرانىن سىناپ, ايماقتاعى وداقتاستارىمەن قاۋٸپسٸزدٸك سالاسىندا ٶزارا بايلانىستى نىعايتۋعا كٷش سالىپ وتىرعان اقش-تىڭ تالپىنىسىنا "قاتاڭ جاۋاپ بەرەتٸنٸن" ەسكەرتكەن. پحەنيان ۆاشينگتون "كەيٸن ٶكٸنەتٸن اۆانتيۋراعا بارىپ وتىر" دەپ مەلٸمدەگەن.
سولتٷستٸك كورەيا بيىل كٶپ سىناق ٶتكٸزٸپ, رەكورد جاسادى. جۋىردا اقش پەن وڭتٷستٸك كورەيا جاتتىعۋ ٶتكٸزٸپ جاتقان كەزدە تەڭٸزگە جٷزدەگەن ارتيللەرييامەن وق اتقان. مانەۆرلەردٸڭ كەيبٸرٸنە جاپونييا دا قاتىسقان.
جەكسەنبٸدە وڭتٷستٸك كورەيا پرەزيدەنتٸ يۋن سوك ەل, جاپونييا پرەمەر-مينيسترٸ فۋميو كيسيدا مەن اقش پرەزيدەنتٸ دجو بايدەن كامبودجاداعى كەلٸسسٶزدە ەسكەري ىنتىماقتاستىقتى ارتتىرۋعا كەلٸسكەن.
اقش ۇلتتىق قاۋٸپسٸزدٸك كەڭەسٸنٸڭ رەسمي ٶكٸلٸ ەدريەن ۋوتسون سولتٷستٸك كورەيانىڭ سوڭعى زىمىران سىناعى جٶنٸندە مەلٸمدەمە تاراتىپ, پحەنياننىڭ ەرەكەتٸ بۇۇ قاۋٸپسٸزدٸك كەڭەسٸنٸڭ كٶپتەگەن رەزوليۋتسيياسىن ٶرەسكەل بۇزاتىنىن, ايماقتاعى جاعدايدى ۋشىقتىرىپ, تۇراقسىزدىق تۋىنداتاتىنىن مەلٸمدەگەن.
"بۇل قادام سولتٷستٸك كورەيانىڭ بۇرىنعىشا ٶزٸنٸڭ جاپپاي جويۋ قارۋلارى مەن زىمىران قۇرۋ بويىنشا زاڭسىز باعدارلامالارىن دامىتۋعا باسىمدىق بەرەتٸندٸگٸن دەلەلدەيدٸ" دەدٸ ۋوتسون.
