سولتٷستٸك كيپردٸڭ نيكوسييا قالاسىندا 22 جاستاعى قازاقستان ازاماتىنا جاسالعان پىشاق شابۋىلى قوعامنىڭ الاڭداۋشىلىعىن تۋعىزدى. وقيعا 3 تامىز كٷنٸ جەرگٸلٸكتٸ ۋاقىتپەن ساعات 11:45 شاماسىندا Metropol Market سۋپەرماركەتٸندە بولعان, دەپ حابارلايدى ult.kz.
الدىن الا مەلٸمەت بويىنشا, بەلگٸسٸز ەر ادام قىزعا بٸرنەشە رەت پىشاق سۇققان. شابۋىلدان كەيٸن كٷدٸكتٸ سول پىشاقپەن ٶزٸن دە جارالاعان. ەكەۋٸ دە جەدەل تٷردە دوكتور بۋرحان نالبانتوگلۋ اتىنداعى مەملەكەتتٸك اۋرۋحاناعا جەتكٸزٸلٸپ, دەرٸگەرلەردٸڭ باقىلاۋىنا الىنعان. وقيعانىڭ ناقتى سەبەبٸ ەزٸرگە بەلگٸسٸز, پوليتسييا تەرگەۋ جٷرگٸزٸپ جاتىر.
سولتٷستٸك كيپردٸڭ جەرگٸلٸكتٸ باق-تارىنىڭ حابارلاۋىنشا, شابۋىل جاساعان ادام زارداپ شەككەن قىزدىڭ بۇرىنعى جٸگٸتٸ بولۋى مٷمكٸن. الايدا قۇقىق قورعاۋ ورگاندارى بۇل اقپاراتتى رەسمي تٷردە ەلٸ راستاعان جوق.
الدىن الا مەلٸمەتكە سەيكەس, زارداپ شەككەن قازاقستاندىقتىڭ ەسٸمٸ – جەنەركە ەبدٸرازاقوۆا. ول 22 جاستا. دەرٸگەرلەر ونىڭ ٶمٸرٸن ساقتاپ قالۋ ٷشٸن كٷرەسٸپ جاتىر.
قازاقستان سىرتقى ٸستەر مينيسترلٸگٸ وقيعاعا قاتىستى مەن-جايدى انىقتاپ جاتقانىن مەلٸمدەدٸ. ۆەدومستۆو تەكسەرۋ اياقتالعاننان كەيٸن قوسىمشا اقپارات بەرەتٸنٸن حابارلادى.
