جۇمىس ساپارىمەن رەسەيدە جٷرگەن قازاقستان پرەزيدەنتٸ قاسىم-جومارت توقاەۆ جەڭٸستٸڭ 75 جىلدىعىنا وراي ٶتكەن ەسكەري پاراد تۋرالى ويىن بٶلٸستٸ. مەملەكەت باسشىسى بۇل جايىندا Instagram پاراقشاسىندا جازدى, دەپ حابارلايدى "ۇلت اقپارات".
«رەسەي پرەزيدەنتٸ ۆ.پۋتيننٸڭ شاقىرۋىمەن مەسكەۋدەگٸ ۇلى جەڭٸستٸڭ 75 جىلدىعىنا ارنالعان ەسكەري پارادقا قاتىستىم. قىزىل الاڭنان جٷرٸپ ٶتكەن ەسكەري توپتاردىڭ اراسىندا قازاقستان قارۋلى كٷشتەرٸنٸڭ دەسانتتىق شابۋىلداۋشى ەسكەري بٶلٸمٸنٸڭ قىزمەتشٸلەرٸ دە بولدى. ۇلى وتان سوعىسى كەزٸندە قازا بولعان جاۋىنگەرلەرگە قۇرمەت رەتٸندە كرەملدٸڭ ٸرگەسٸندەگٸ «بەلگٸسٸز سولدات» قابٸرٸنە گٷل شوعىن قويدىم. ولاردىڭ ەرلٸگٸ بٸزدٸڭ ەسٸمٸزدە مەڭگٸ ساقتالادى» دەپ جازادى قاسىم-جومارت توقاەۆ.
مەسكەۋدە ەكٸنشٸ دٷنيەجٷزٸلٸك سوعىستاعى جەڭٸستٸڭ 75 جىلدىعىنا وراي ەسكەري شەرۋ ٶتتٸ. قازاقستان پرەزيدەنتٸ قاسىم-جومارت توقاەۆ قىزىل الاڭدا ٶتكەن جەڭٸس پارادىنا قاتىسىپ, «بەلگٸسٸز سولدات» قابٸرٸنە گٷل شوعىن قويدى.
