قر پرەمەر-مينيسترٸ ەليحان سمايىلوۆ پەن قحر مەملەكەتتٸك كەڭەسٸنٸڭ پرەمەرٸ لي كەتسيان بەينەكونفەرەنتسبايلانىس رەجيمٸندە ٶتكەن ەكٸجاقتى كەلٸسسٶزدەر بارىسىندا قازاقستان-قىتاي ىنتىماقتاستىعىن نىعايتۋدىڭ ٶزەكتٸ مەسەلەلەرٸن تالقىلادى, - دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
اتاپ ايتقاندا, ساۋدا-ەكونوميكالىق جەنە كٶلٸك-ترانزيتتٸك سالالاردا, ەنەرگەتيكا, ماشينا جاساۋ, اۋىل شارۋاشىلىعى, ەكولوگييا, تۋريزم, قارجى سەكتورى جەنە يننوۆاتسييالىق تەحنولوگييالار سالاسىنداعى ٶزارا ٸس-قيمىل مەسەلەلەرٸ قوزعالدى.
ٶز سٶزٸندە ەليحان سمايىلوۆ ٶتكەن جىلدىڭ قورىتىندىسى بويىنشا قازاقستان مەن قىتاي اراسىنداعى تاۋار اينالىمىنىڭ كٶلەمٸ 14%-عا ارتىپ, $18 ملرد-قا جەتكەنٸن اتاپ ٶتتٸ. سونىمەن قاتار بيىل ايتارلىقتاي ٶسٸم تٸركەلٸپ وتىر, 10 ايدا بۇل كٶرسەتكٸش شامامەن 33%-عا ٶسٸپ, $19,7 ملرد-تى قۇرادى.
«مەملەكەتتەر باسشىلارى 2030 جىلعا قاراي تاۋار اينالىمىن $35 ملرد-قا دەيٸن ۇلعايتۋدى ماقسات ەتٸپ قويدى. بٸز قىتايلىق ەرٸپتەستەرٸمٸزبەن بٸرگە وسى اۋقىمدى مٸندەتتٸ ٸسكە اسىرۋعا دايىنبىز», — دەپ اتاپ ٶتتٸ پرەمەر-مينيستر.
ونىڭ ايتۋىنشا, جەتكٸزٸلەتٸن تاۋارلار مەن قىزمەتتەردٸڭ نومەنكلاتۋراسىن ودان ەرٸ كەڭەيتۋ, سونداي-اق ەكٸ ەلدٸڭ ٸسكەر توپتارى اراسىندا تٸكەلەي بايلانىس ورناتۋ قاجەت. اتاپ ايتقاندا, قازاقستان وڭ ساۋدا ترەندٸن نىعايتۋعا جەنە قىتايعا 135 تاۋار پوزيتسيياسى بويىنشا ٶز ٶنٸمٸنٸڭ ەكسپورتىن ۇلعايتۋعا دايىن.
ىنتىماقتاستىقتىڭ باسقا دا باسىم باعىتتارى رەتٸندە ەليحان سمايىلوۆ مۇناي-گاز سەكتورىندا جەنە ماشينا جاساۋدا جاڭا جوبالاردىڭ ٸسكە قوسىلۋىن, تەمٸرجول جٷك تاسىمالدارىن دامىتۋدى, ونىڭ ٸشٸندە قازاقستان مەن قىتاي اراسىنداعى ٷشٸنشٸ تەمٸرجول ٶتكٸزۋ پۋنكتٸن اشۋدى, سونداي-اق شەكاراداعى اۆتوموبيل ٶتكٸزۋ پۋنكتتەرٸ جۇمىسىنىڭ تيٸمدٸلٸگٸن ارتتىرۋدى اتاپ ٶتتٸ.
سونىمەن قاتار پرەمەر-مينيستر قازاقستاندىق اۋىل شارۋاشىلىعى ٶنٸمدەرٸنٸڭ ەكسپورتى ٷشٸن كەدەرگٸلەردٸ الىپ تاستاۋدىڭ, جولاۋشىلار اۆيارەيستەرٸنٸڭ سانىن ارتتىرۋدىڭ جەنە ترانسشەكارالىق ٶزەندەردٸ پايدالانۋ مەن قورعاۋ جٶنٸندەگٸ ٶزارا ٸس-قيمىلدى جانداندىرۋدىڭ ماڭىزدىلىعىن ايتتى.
«بٸز بەلسەندٸ ديالوگقا دايىنبىز. قازاقستان-قىتاي ستراتەگييالىق ەرٸپتەستٸگٸنٸڭ جوعارى ديناميكاسى بارلىق باعىتتار بويىنشا داميتىنىنا سەنٸمدٸمٸن», — دەدٸ ەليحان سمايىلوۆ.
ٶز تاراپىنان لي كەتسيان قىتاي قازاقستاندى دوستىق بايلانىستاعى كٶرشٸلەس ەل جەنە ماڭىزدى ساۋدا سەرٸكتەسٸ رەتٸندە قاراستىراتىنىن اتاپ ٶتتٸ. ونىڭ ايتۋىنشا, قحر جٷكتەردٸ جەنە اۋىل شارۋاشىلىعى ٶنٸمدەرٸن جەتكٸزۋدٸ ۇلعايتۋعا, ەنەرگەتيكا سالاسىنداعى جاڭا جوبالاردى ٸسكە قوسۋعا, سونداي-اق گۋمانيتارلىق بايلانىستار مەن قورشاعان ورتانى قورعاۋ سالاسىنداعى ٶزارا ٸس-قيمىلدى دامىتۋعا ەرەكشە قىزىعۋشىلىق تانىتىپ وتىر.
«بٸز قازاقستاندىق ەرٸپتەستەرٸمٸزبەن بٸرلەسٸپ, ەلدەر اراسىنداعى ەكٸجاقتى قاتىناستاردى نىعايتۋ ٷشٸن جۇمىس ٸستەۋگە دايىنبىز», — دەدٸ لي كەتسيان.
