سمايىلوۆ ەكٸمدٸكتەر مەن اۋىل شارۋاشىلىعى مينيسترلٸگٸن سىنعا الدى

قر پرەمەر-مينيسترٸ ەليحان سمايىلوۆ ٷكٸمەتتٸڭ تسيفرلىق كەڭسەسٸندە قر پرەزيدەنتٸ قاسىم-جومارت كەمەلۇلى توقاەۆتىڭ وسى جىلدىڭ باسىنان بەرٸ بەرگەن تاپسىرمالارىن ٸسكە اسىرۋ جٶنٸندە كەڭەس ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.

ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتاندىرۋ جەنە جاستاردى جۇمىسپەن قامتۋ مەسەلەلەرٸ قارالدى.

ەلەۋمەتتٸك ماڭىزى بار ازىق-تٷلٸك ٶنٸمدەرٸ باعاسىنىڭ ەڭ كٶپ ٶسٸمٸ ەلوردادا – 1,5%-عا, اقمولا وبلىسىندا – 1,4%-عا, اقتٶبە وبلىسىندا – 1,1%-عا جەنە جامبىل وبلىسىندا – 1%-عا تٸركەلدٸ.

ٷكٸمەت باسشىسى اتالعان ٶڭٸرلەر ەكٸمدٸكتەرٸنٸڭ, سونداي-اق اۋىل شارۋاشىلىعى مينيسترلٸگٸنٸڭ حالىقتى قولجەتٸمدٸ باعادا ەلەۋمەتتٸك ماڭىزى بار ازىق-تٷلٸك تاۋارلارىمەن قامتاماسىز ەتۋ جٶنٸندەگٸ جۇمىسىن سىنعا الدى.

«ەكٸمدەر مەن اۋىل شارۋاشىلىعى مينيسترلٸگٸ تۇراقتاندىرۋ قورلارىنىڭ مينيمالدى كٶلەمٸن قالىپتاستىرعان جوق, “اينالىم سحەماسى” بويىنشا جەتكٸلٸكتٸ قاراجات بٶلٸنبەگەن, ساۋدا ٷستەمەلەرٸنە باقىلاۋ ناشار جٷرگٸزٸلگەن. ٸس جٷزٸندە, ەلەۋمەتتٸك ماڭىزى بار ازىق-تٷلٸك تاۋارلارى باعاسىنىڭ ٶسۋٸن تەجەۋ جۇمىسى بٸرٸزدٸ اتقارىلىپ جاتقان جوق. سٸزدەردٸڭ مٸندەتتەرٸڭٸز – حالىققا بٸرٸنشٸ كەزەكتە قاجەتتٸ تاۋارلاردى قولجەتٸمدٸ باعادا قامتاماسىز ەتۋ», — دەپ اتاپ ٶتتٸ سمايىلوۆ.

پرەمەر-مينيستر ورتالىق مەملەكەتتٸك ورگاندار مەن ەكٸمدٸكتەرگە ازىق-تٷلٸكتٸڭ ەربٸر اتاۋى بويىنشا باعانى باقىلاۋدى كٷشەيتۋدٸ, تۇراقتاندىرۋ قورلارىندا قاجەتتٸ كٶلەمدٸ قامتاماسىز ەتۋدٸ جەنە «اينالىم سحەماسىنا» قوسىمشا قارجى بٶلۋدٸ تاپسىردى.

«باعا بەلگٸلەۋ تٸزبەگٸن تەرگەۋ جٶنٸندەگٸ ٶڭٸرلٸك كوميسسييالاردىڭ جۇمىسىن كٷشەيتٸپ, بٶلشەك ساۋدا نىساندارىنىڭ ساۋدا ٷستەمەسٸنٸڭ رۇقسات ەتٸلگەن مٶلشەرٸن ساقتاۋىن قاداعالاڭىزدار», — دەدٸ ەليحان سمايىلوۆ.

ٷكٸمەت باسشىسى جاستاردىڭ جۇمىسسىزدىق دەڭگەيٸن تٶمەندەتۋ ماقساتىندا ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە ۇلتتىق ەكونوميكا جەنە قارجى مينيسترلٸكتەرٸمەن بٸرلەسٸپ, «جاستار پراكتيكاسى» جەنە «العاشقى جۇمىس ورنى» جوبالارىنا قاتىسۋ ۇزاقتىعى مەن ەڭبەكاقى مٶلشەرٸن ۇلعايتۋ مٷمكٸندٸگٸن قاراستىرۋدى تاپسىردى.

اتالعان جوبالار بويىنشا ەڭبەكاقى مٶلشەرٸن 20-25 اەك-تەن 30 اەك-كە دەيٸن ارتتىرۋ كٶزدەلگەن. «جاستار پراكتيكاسىنىڭ» مەرزٸمٸ 6 ايدان 12 ايعا دەيٸن, «العاشقى جۇمىس ورنى» جوباسى 12 ايدان 18 ايعا دەيٸن ۇزارتىلادى.

«جاستاردى وقىتۋ, كەسٸپتٸك باعدارلاۋ جەنە جۇمىسقا ورنالاستىرۋ مەسەلەلەرٸنە كٶبٸرەك كٶڭٸل بٶلۋ قاجەت. تيٸستٸ تارماقتار ٷكٸمەتتٸڭ 2022 جىلعا ارنالعان ٸس-قيمىل باعدارلاماسىنا ەنگٸزٸلەدٸ», — دەپ اتاپ ٶتتٸ پرەمەر-مينيستر.