سكرينينگ اۋرۋدىڭ بەلگٸسٸ بولماعان كەزدە ەرتە ساتىداعى ٸسٸكتٸ دياگنوستيكالاۋعا مٷمكٸندٸك بەرەدٸ. بۇل تۋرالى الماتى ونكولوگييا ورتالىعىنىڭ ونكولوگ دەرٸگەرٸ سۇلۋ سادىقوۆا ايتتى, دەپ حابارلايدى قازاقپارات تٸلشٸسٸ.
«سكرينينگتٸڭ ماقساتى – بەلسەندٸ تٷردە ەرتەدەن سيمپتومسىز قاتەرلٸ ٸسٸكتٸ انىقتاۋ جەنە ونى ەمدەۋ. ەرتە ساتىدا انىقتالعان قاتەرلٸ ٸسٸك تولىعىمەن ەمدەلەدٸ. اۋرۋدىڭ سيمپتومى انىقتالعان ساتىدا قاتەرلٸ ٸسٸكتٸڭ تارالۋ قاۋپٸ تۋىنداپ, اۋرۋدى ەمدەۋ قيىنداي تٷسەدٸ», - دەيدٸ الماتى ونكولوگييالىق ورتالىعىنىڭ دەرٸگەرٸ سۇلۋ سادىقوۆا.
جىل سايىن الماتى قالاسىندا سٷت بەزٸنٸڭ جەنە جاتىر موينىنىڭ قاتەرلٸ ٸسٸگٸن انىقتاۋ سكرينينگٸنەن 30-70 جاس ارالىعىنداعى 100 مىڭعا جۋىق ەيەل ٶتەدٸ, توق ٸشەك پەن تٸك ٸشەكتٸڭ قاتەرلٸ ٸسٸگٸ اۋرىن انىقتاۋ سكرينينگٸنەن 40-70 جاس ارالىعىنداعى 100 مىڭ ەيەل مەن ەر ادام ٶتەدٸ.
«سكرينينگتەن ٶتۋدٸڭ ارقاسىندا سوڭعى 3 جىلدا 200-دەن اسا سٷت بەزٸنٸڭ قاتەرلٸ ٸسٸگٸ, 40 جاتىر موينىنىڭ قاتەرلٸ ٸسٸگٸ جەنە 50 توق ٸشەك پەن تٸك ٸشەكتٸڭ قاتەرلٸ ٸسٸگٸ انىقتالدى. انىقتالعان قاتەرلٸ ٸسٸكتٸڭ 90% مٶلشەرٸ اۋرۋشاڭدىقتىڭ 1-2 ساتىدا بەلگٸلەنٸپ, تيٸمدٸ تٷردە ەمدەلۋگە مٷمكٸندٸك بەرەدٸ, كەيبٸرٸ تٸپتٸ تولىق ەمدەلەدٸ. دەگەنمەن, سكرينينگتەن ٶتۋ دەگەنٸمٸز قاتەرلٸ ٸسٸككە بار دەپ كٷدٸكتەنۋ دەگەن ماعىنادا ەمەس ەكەنٸن ايتا كەتكەن جٶن. 40-70 جاس ارالىعىنداعى ەيەلدەردەگٸ سٷت بەزٸنٸڭ قاتەرلٸ ٸسٸگٸنە 2 جىلدا 1 رەت مامموگراف سكرينينگٸ, 30-70 جاستاعى ەيەلدەردەگٸ جاتىر موينىنىڭ قاتەرلٸ ٸسٸگٸ جەنە قاتەرلٸ ٸسٸك الدىنداعى تسيتولوگييالىق سكرينينگ 4 جىلدا 1 رەت; 50-70 جاستاعىلارعا كولونوسكوپييا, جاسىرىن قانعا تەست جاساۋ ارقىلى توق ٸشەك پەن تٸك ٸشەكتٸك قاتەرلٸ ٸسٸك الدىنداعى جەنە قاتەرلٸ ٸسٸگٸنە سكرينينگ 2 جىلدا 1 رەت جاسالادى. مامموگرافييا – ارنايى مامموگراف اپپاراتىمەن ەكٸ پروەكتسيياداعى سٷت بەزٸنە رەنتگەن ارقىلى جاسالاتىن زەرتتەۋ ەدٸسٸ», - دەيدٸ ونكولوگ.
ونىڭ ايتۋىنشا, مامموگرافييا 0,5سم جەنە ودان دا كٸشٸرەك سٷت بەزٸنٸڭ ٸسٸكتەرٸن انىقتاۋ مٷمكٸندٸگٸن بەرەدٸ.
«سٷت بەزٸندە كٷدٸكتٸ ٶزگەرٸستەر انىقتالعان كەزدە, تەرەڭدەتٸلگەن تەكسەرٸس جٷرگٸزٸلەدٸ. سونىمەن قاتار پاتسيەنتتٸڭ ٶزٸ بارىپ تەكسەرٸستەن ٶتۋدٸ ۇمىتپاعانى جٶن. ول ايىنا بٸر رەت بەلگٸلەنگەن بٸر كٷندە جٷرگٸزٸلەدٸ. جىنىس مٷشەلەرٸ جەتٸلگەن ەيەل ٷشٸن ونداي تەكسەرٸس ەتەككٸردەن باستالعان كٷننەن باستاپ جەتٸنشٸ كٷندە تەكسەرٸلۋٸ تيٸس. سٷت بەزدەرٸن باقىلاۋدى سٷت بەزٸنٸڭ قالىپتى جاي-كٷيٸن باعالاۋ جەنە ۋاقىتىندا ٶزگەرٸستەردٸ بەلگٸلەۋ ٷشٸن 20 جاستان بارىپ تەكسەرٸلۋٸ تيٸس», - تيٸس دەيدٸ دەرٸگەر.
كەۋدەنٸڭ قاتەرلٸ ٸسٸگٸن كەۋدەنٸ باسقان كەزدە ديامەترٸ 1 سم ٸسٸك بولسا بەلگٸلەنەدٸ.
«تسيتولوگييا نەمەسە پاپ-تەستٸگە جۇعىندى الۋ – جاتىر موينى جەنە قىناپتىڭ ٷستٸڭگٸ جاعىنان جاسۋشا جيناۋ ٷدەرٸسٸ بولىپ تابىلادى. جۇعىندىدا جاسۋشانىڭ مٶلشەرٸ, قالپى, سانى جەنە سيپاتتاماسى باقىلانادى, بۇدان جاتىر موينىنىڭ قاتەرلٸ ٸسٸك اۋرۋى مەن قاتەرلٸ ٸسٸك الدىنداعى, فوندى اۋرۋىن دياگنوستيكالاۋعا بولادى. سونداي-اق, اپۆ-عا تەستٸدەن ٶتۋ كەرەك, ول دنك مەن رنك-نىڭ ۆيرۋستىڭ ونكوگەندٸ تٷرلەرٸنٸڭ بولۋىنا تەكسەرۋ ٷشٸن قولدانىلادى. تسيتولوگيياعا جۇعىندى الۋ جەنە اپۆ تەست جاساۋ جاتىر موينىنىڭ قاتەرلٸ ٸسٸگٸ اۋرۋىنىڭ تۋىنداۋى مەن ونىڭ سالدارىنان ٶلٸمنٸڭ از بولۋىنا سەپتٸگٸن تيگٸزەدٸ», - دەدٸ سپيكەر.
