سولتٷستٸك قازاقستان وبلىسىندا ەكولوگتار جەرگٸلٸكتٸ بيلٸك ٶكٸلدەرٸمەن بٸرگە پايدالانىلعان ۋران كەنٸشتەرٸن ارالاپ, قاۋٸپتٸ نىسانداردىڭ قازٸرگٸ جاعدايىمەن تانىستى, دەپ حابارلايدى "ۇلت اقپارات".
سقو ەكولوگييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, ٶڭٸردە قولدانىستان شىققان 6 ۋران كەنٸشٸ بار. ولاردىڭ بارلىعىندا ٶتكەن عاسىردىڭ توقسانىنشى جىلدارى جۇمىس توقتادى. الايدا, ۋران ٶندٸرٸلمەگەنٸمەن تۇرعىندارعا كەلەر قاۋٸپ ەلٸ دە زور. كەنٸشتەردٸڭ اۋماعىندا اۋزى اشىق قۇدىقتار بار, سونداي-اق مۇندا رادياتسييا مٶلشەرٸ شامادان تىس كٶپ. قورشالىپ, كٷزەتٸلۋٸ تيٸس نىساندار اشىق-شاشىق جاتىر. اۋىلدىقتار قورشاۋلارىن بۇزىپ ەكەتكەن.
وسىنداي مەسەلەلەردٸ ەل بويىنشا شەشۋ ماقساتىندا قر پرەمەر-مينيسترٸنٸڭ تاپسىرماسىمەن 2018 جىلى ٸس-شارالار جوسپارى قابىلداندى.
«پايدالانىلعان كەنٸشتەرگە بٶگدە ادامداردىڭ كٸرۋٸن بولدىرماۋ ماقساتىندا 11 تارماقتان تۇراتىن ٸس-شارالار جوسپارى بەكٸتٸلگەن. عابيت مٷسٸرەپوۆ اۋدانىندا ونىڭ تٶرتەۋٸ, ايىرتاۋ اۋدانىندا توعىزى ورىندالماعان. ەڭ الدىمەن قورشاپ, ەسكەرتۋ بەلگٸلەرٸن قويۋ قاجەت. بۇل كەنٸشتەر يەسٸز قالعاننان كەيٸن تالان-تاراجعا تٷستٸ», - دەيدٸ سقو ەكولوگييا دەپارتامەنتٸنٸڭ باسشىسى ەربولات وماروۆ.
گراچەۆسكيي كەن ورنى 1965 جىلى اشىلعان. ونىڭ اۋماعىندا 14 عيمارات, سونىڭ ٸشٸندە جاقىن ماڭداعى ەلدٸمەكەندەردٸ جىلۋمەن قامتىعان قازاندىعى بولعان. 1998 جىلى كەنٸشتٸڭ جۇمىسى توقتاتىلدى, الايدا, بٸرجولاتا جابىلعان جوق.
ەكولوگتاردىڭ ايتۋىنشا, وسىدان 5 جىل بۇرىن گراچەۆسكيي كەن ورنىنداعى شاحتالىق قۇدىقتاردا رادياتسييا تيٸستٸ مٶلشەردەن 5 ەسە ارتىق بولعان. بۇل جولى كەنٸشتە دە, سانيتارلىق-قورعانىس ايماعىندا دا ونىڭ دەڭگەيٸ قالىپتى مٶلشەردەن اسپادى.
ايىرتاۋ اۋداندىق ەكٸمدٸگٸ كەن ورنىن كوممۋنالدىق مەنشٸككە ٶتكٸزبەك.
«جوبالىق-سمەتالىق قۇجاتتى ەزٸرلەۋ ٷشٸن قوماقتى سوما قاجەت. مەسەلە قورشاۋدا عانا ەمەس. بۇل جەردە 14 نىسان. ونىڭ بارلىعىن قالاي جابامىز. مەملەكەتتٸك اكتٸ مەن تەحقۇجاتتى ەزٸرلەۋگە 3 ملن تەڭگە قاجەت. قورشاۋدى دا قويارمىز. بٸراق كەيٸن ونى كٷزەتٸپ, تالاپقا ساي ۇستاۋ كەرەك قوي», - دەيدٸ ايىرتاۋ اۋدانى ەكٸمٸنٸڭ ورىنباسارى ەدرەس جاناپين.
تەكسەرٸس جٷرگٸزگەن ەكولوگتار ەكٸ اۋداننىڭ ەكٸمدٸگٸنە ٸس-شارالار جوسپارىن جىل سوڭىنا دەيٸن تولىق ورىنداۋعا ۋاقىت بەردٸ.
