پەتروپاۆلداعى تەمٸرجول تۇيىقتارىنىڭ بٸرٸندە بٷگٸن 100-دەن استام جٷك كٶلٸگٸ جينالىپ قالدى. ٶڭٸردە بٸرنەشە كٷننەن بەرٸ كٶمٸر بولماعان, دەپ حابارلايدى قازاقپارات.
سولتٷستٸك قازاقستان وبلىسىندا بيىل قىس باستالعالى تۇرعىندار كٶمٸر تاپشىلىعىن كٶرٸپ وتىر. ٶڭٸرگە ەكەلٸنگەن قاتتى وتىن قاجەتتٸلٸكتٸ تولىق ٶتەمەيدٸ. سالدارىنان تەمٸرجول تۇيىقتارىندا ۇزىن-سونار كەزەك. كەي كٶلٸك جٷرگٸزۋشٸلەرٸ بوس قايتپاۋ ٷشٸن كەزەككە تاڭسەرٸدەن كەلٸپ تۇرادى ەكەن.
«تاڭعى ساعات 6.00-دە كەلدٸم. مەن كەلگەندە بۇل جەردە بٸراز ماشينا تۇردى. بٸلمەيمٸن, الا الام با, جوق پا? بٸر اپتادان ارتىق كٶمٸر بولعان جوق», - دەيدٸ پەتروپاۆل تۇرعىنى ولەگ يۆانوۆ.
بٷگٸن وبلىسقا 7 ۆاگونمەن 490 توننا «شۇباركٶل» كٶمٸرٸ جەتكٸزٸلدٸ. كٶپتٸڭ كٷتكەنٸ دە وسى وتىن. بٸر كٶلٸككە 5 توننادان ارتىق ارتىلمايدى.
«4 اقپاننان بەرٸ ٶڭٸرگە «شۇباركٶل» كٶمٸرٸ جەتكٸزٸلمەدٸ. سول سەبەپتٸ بٷگٸن وسىنداي ۇزىن كەزەك تۋىنداعان. قازٸر جولدا 980 توننا «قاراجىرا» جەنە 1190 توننا «شۇباركٶل» كٶمٸرٸ كەلە جاتىر. بۇدان باسقا وبلىسقا كٶمٸر جەتكٸزۋشٸ اقپان ايىنا 100 ۆاگون كٶمٸرگە 7 مىڭ تونناعا تاپسىرىس بەردٸ. ونىڭ 30 ۆاگونى كەلدٸ. قاتتى وتىن جىلىتۋ ماۋسىمى اياقتالعانعا دەيٸن ەكەلٸنٸپ تۇرادى», - دەيدٸ سقو ەنەرگەتيكا جەنە تۇرعىن ٷي-كوممۋنالدىق شارۋاشىلىعى باسقارماسىنىڭ باسشىسى باقىت ٸليياسوۆ.
مامانداردىڭ ايتۋىنشا, بٷگٸن تاڭەرتەڭ پەتروپاۆلدىڭ تەمٸرجول تۇيىقتارىندا 1830 توننا كٶمٸر بولدى. ونىڭ 140 تونناسى ەكٸباستۇز كٶمٸرٸ, 1200 تونناسى – مايكٶبەنٸكٸ. قالعانى سۇرانىسقا يە – شۇباركٶلدٸكٸ. باعا ٶسكەن جوق, ساپاسىنا قاراي 9-15 مىڭ تەڭگە ارالىعىندا.
