سولتٷستٸك قازاقستان وبلىسىندا ەلەۆاتورعا قاراقشىلىق شابۋىل جاساپ, 170 ملن تەڭگەنٸ ۇرلاعان كٷدٸكتٸ بٸر جىلدان كەيٸن ۇستالدى, دەپ حابارلايدى "ۇلت اقپارات".
ەستەرٸڭٸزگە سالايىق, قاراقشىلىق شابۋىل بىلتىر قاراشا ايىندا اقجار اۋدانىندا بولدى. «تالشىق استىق LTD» جشس عيماراتىنا ماسكا كيگەن 4 ادام باسىپ كٸرٸپ, شولاق مىلتىققا ۇقساس قارۋمەن قورقىتىپ, 170 ملن تەڭگەنٸ الىپ كەتكەن.
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, كٷدٸكتٸلەردٸڭ بٸرەۋٸ بٸر جىلدام استام ۋاقىت ٸزدەۋدە بولدى. 10 جەلتوقسان سقو پد كريمينالدىق پوليتسييا باسقارماسى قىزمەتكەرلەرٸنٸڭ استاناعا قىزمەتتٸك ٸسساپارى بارىسىندا ونىڭ ٸزٸنە تٷسٸپ, ۇستادى. قازٸرگٸ ۋاقىتتا كٶكشەتاۋدىڭ 33 جاستاعى تۇرعىنى نۇر-سۇلتان قالاسىنىڭ ۋاقىتشا ۇستاۋ يزولياتورىندا وتىر. بۇل شابۋىل جاساعان توپتاعى ەكٸنشٸ كٷدٸكتٸ, بٸرٸنشٸسٸ قاڭتاردا قولعا تٷسكەن بولاتىن. پوليتسەيلەر قازٸر قالعاندارىنىڭ جٷرگەن جەرٸن انىقتاۋ ماقساتىندا جۇمىس جٷرگٸزٸپ جاتىر.
«قىلمىسكەرلەردٸ ٸزدەۋ – كريمينالدىق پوليتسييا بٶلٸنٸستەرٸ جۇمىستارىنىڭ ماڭىزدى باعىتتارىنىڭ بٸرٸ. كەيدە سوت تٶرەلٸگٸنەن قاشىپ جٷرگەندەردٸ ٸزدەۋگە كٶپ ۋاقىت كەتەدٸ. سقو-دا جىل باسىنان 47 قىلمىسكەرگە ٸزدەۋ جارييالاندى. بٷگٸندە ولاردىڭ 35-ٸ ۇستالدى, ٷشەۋٸ قاراقشىلىق شابۋىل, ەكەۋٸ اۋىر دەنە جاراقاتتارىن كەلتٸرگەنٸ, بٸرەۋٸ توناۋ, تاعى بٸرەۋٸ ەسٸرتكٸ قىلمىسىن جاساعانى ٷشٸن ٸزدەۋدە بولدى.
تمد ەلدەرٸنٸڭ قۇقىق قورعاۋ ورگاندارى ٷشٸن وبلىس پوليتسەيلەرٸ 20 قىلمىسكەردٸڭ جٷرگەن جەرٸن انىقتاپ بەردٸ. قر تىس جەردە قىلمىس جاسادى دەگەن كٷدٸكپەن تٶرت سولتٷستٸكقازاقستاندىق انىقتالدى», - دەيدٸ سقو پد كپب باستىعى پوليتسييا پولكوۆنيگٸ پيوتر كليموۆ.
