سولتٷستٸك قازاقستان وبلىسىندا بالىق اۋلاۋعا شىعىپ, حابارسىز كەتكەن تۇرعىننىڭ دەنەسٸ تابىلدى, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, 11 قىركٷيەك كٷنٸ 61 جاستاعى ەر ادام بالىق اۋلاۋعا شىققان.
تۋىستارىنا مامليۋتكا قالاسىنان التى شاقىرىم جەردەگٸ وكۋنەۆو كٶلٸنە بارامىن دەپ ايتىپ كەتٸپتٸ. الايدا بٸرازدان كەيٸن ونىمەن بايلانىس ٷزٸلگەن.
ەر ادامدى ٸزدەۋگە بەس قۇتقارۋشى جۇمىلدىرىلدى. بالىقشىنىڭ دەنەسٸ رەزەڭكە قايىقتىڭ استىنان تابىلدى.
ونىڭ ٷستٸندە كيٸم بولعان, جانىنان قانداي دا بٸر جەكە قۇتقارۋ قۇرالدارى تابىلمادى. ٶلٸم سەبەبٸ انىقتالىپ جاتىر.
جالپى شٸلدە ايىندا وبلىستىڭ سۋ قويمالارىندا 4 ەر ادامنىڭ مەيٸتٸ تابىلدى. ارالارىندا بالىقشىلار دا بار.
