سولتٷستٸك قازاقستان وبلىسىندا 11 جاسار بالا ەسٸل ٶزەنٸنە باتىپ كەتتٸ, دەپ حابارلايدى قازاقپارات.
سقو تٶتەنشە جاعدايلار دەپارتامەنتٸ باسقارماسىنىڭ باستىعى مارات مۇراتوۆ وقىس وقيعا تۋرالى بريفينگٸدە ايتتى.
11 جاسار بالا ەسٸل اۋدانى نيكولاەۆكا ەلدٸ مەكەنٸنٸڭ ماڭىندا ەسٸل ٶزەنٸندە سۋعا كەتكەن. ول بالىق اۋلاۋعا ەرەسەكتەرسٸز جالعىز بارعان ەكەن.
«بالانىڭ دەنەسٸن ەكٸ ساعاتتان كەيٸن اۋىل تۇرعىندارى تاۋىپ, سۋدان الىپ شىقتى. جاسٶسپٸرٸم سۋعا باتىپ كەتكەن جەردە بالىق اۋلاۋعا, شومىلۋعا بولمايدى. جالپى سوڭعى 8 جىلدىڭ ٸشٸندە ٶڭٸردە 195 ادامنىڭ اجالى سۋدان كەلسە, سونىڭ 33-ٸ بالا. كٶپ جاعدايدا ولار ارنايى جاراقتاندىرىلماعان جەردە, ەرەسەكتەردٸڭ باقىلاۋىنسىز سۋعا تٷسكەن.
بيىل جاز ىستىق, تۇرعىندار ەلٸ كٷنگە دەيٸن سۋعا شومىلىپ جاتىر. بٸراق تٷندە اۋا تەمپەراتۋراسى 13-15 گرادۋسقا دەيٸن تٶمەندەيدٸ. سۋدىڭ ٷستٸ جىلى بولعانىمەن, استىندا سۋىق. ال بۇل ادامعا قاۋٸپتٸ», - دەيدٸ مارات مۇراتوۆ.
بيىل سقو-دا سۋعا 21 ادام باتىپ كەتسە, ونىڭ التاۋى بالا. وسىعان وراي وبلىستىڭ سۋ ايدىندارىندا قايعىلى جاعدايلاردىڭ الدىن الۋ ماقساتىندا تجد ماماندارى تۇراقتى تٷردە رەيدتەر ٶتكٸزٸپ كەلەدٸ.
«پوليتسەيلەر, قۇتقارۋشىلار رەيدتەردٸ جيٸ ٶتكٸزەدٸ. دەگەنمەن قايعىلى جاعدايلار تٸركەلٸپ جاتىر. ٶتكەن جىلمەن سالىستىرساق, بىلتىر 9 ادام كٶز جۇمدى. ونىڭ بٸرەۋٸ بالا. سوندىقتان تۇرعىنداردى جەنە وبلىس قوناقتارىن سۋدا اسا ساق بولۋعا شاقىرامىز. بالالاردى قاراۋسىز قالدىرۋعا بولمايدى. رۇقسات ەتٸلگەن جەردە عانا شومىلۋ كەرەك. بيىل سۋ ايدىندارىنا 4 مىڭنان استام رەيد ٶتكٸزدٸك. وبلىس بويىنشا 1400-دەن استام جەرگە سۋعا شومىلۋعا تىيىم سالىنادى دەگەن بەلگٸ ورناتىلدى», - دەيدٸ سقو تجد باستىعىنىڭ ورىنباسارى مۇرات قانعوجينوۆ.
