اتىراۋ وبلىسىنىڭ ٶڭٸرلٸك كوممۋنيكاتسييالار قىزمەتٸنٸڭ حابارلاۋىنشا, قر پرەمەر-مينيسترٸنٸڭ ورىنباسارى اتىراۋ وبلىستىق پەريناتالدى ورتالىعىنا بارىپ, دەرٸگەرلەرمەن تٸلدەستٸ.
بٷگٸندە بۇل مەديتسينالىق مەكەمەدە 434 قىزمەتكەر قىزمەت اتقارادى, ونىڭ ٸشٸندە 62 دەرٸگەر, 215 ورتا بۋىن مەديتسينا قىزمەتكەرٸ بار. ورتالىقتا گينەكولوگييا بٶلٸمشەسٸ, بوساناتىن بٶلمە, كەڭەس بەرۋ-دياگنوستيكالىق بٶلٸمشەسٸ, جاڭا تۋعان سەبيلەردٸڭ پاتولوگيياسى, بوسانۋعا دەيٸنگٸ, كٷندٸزگٸ جەنە بوسانۋدان كەيٸنگٸ, قابىلداۋ مەن وڭالتۋ بٶلٸمدەرٸ قىزمەت اتقارادى.
بەردٸبەك ساپارباەۆ اتىراۋ وبلىستىق دەنساۋلىق ساقتاۋ باسقارماسىنىڭ باسشىسى مەنشٷك ايمۇرزيەۆادان جەنە قوعامدىق دەنساۋلىقتى قورعاۋ دەپارتامەنتٸ باسشىسىنان ايماقتاعى سەبي ٶلٸمٸنٸڭ جوعارى بولۋى سەبەپتەرٸنە تٷسٸنٸك بەرۋدٸ ٶتٸندٸ.
«بالا مەن انا ٶلٸمٸنٸڭ مەسەلەسٸ - كٷن تەرتٸبٸندەگٸ قاتاڭ باقىلاۋداعى ٶزەكتٸ مەسەلە. جاعداي مٷلدەم ۋشىعىپ كەتتٸ دەۋگە بولماس. توقسان سايىن ورتالىقتىڭ ماماندارى وتاندىق جەنە شەتەلدٸك مەديتسينا سالاسىنىڭ بٸلٸكتٸ قىزمەتكەرلەرٸنەن دەرٸس الىپ كەلەدٸ. مىسالى, اعىمداعى جىلدىڭ شٸلدە ايىندا 13 دەرٸگەر-نەوناتولوگ نۇر-سۇلتان قالاسىنداعى مەديتسينالىق ورتالىقتاردىڭ بٸرٸنەن بٸلٸكتٸلٸكتٸ ارتتىرۋ كۋرستارىنان ٶتتٸ. سونىمەن قاتار, كەسٸبي شىڭدالۋ ٷشٸن پەريناتالدى ورتالىقتىڭ دەرٸگەرلەرٸ ليتۆا قالاسىنداعى وقۋعا بارادى. بيىلدىڭ ٶزٸندە ورتالىقتىڭ قوندىرعىلارمەن جابدىقتالۋى ٷشٸن 600 ملن. تەڭگە بٶلٸندٸ», - دەدٸ مەنشٷك ايمۇرزيەۆا.
قالىپتاسقان جاعدايدى وڭتايلاندىرۋ ٷشٸن بەردٸبەك ساپارباەۆ شۇعىل شارالاردى قولعا الۋدى تاپسىردى. بۇدان سوڭ, ۆيتسە-پرەمەر پەريناتالدى ورتالىقتىڭ قىزمەتكەرٸنە مەلٸمدەمە جاسادى.
«سٸز گيپپوكرات انتىن بەردٸڭٸزدەر, سوندىقتان, بٸر مينۋتقا دا ٶز جۇمىستارىڭىزدى تاستاۋعا, ادامداردى ەمدەۋدٸ توقتاتۋعا بولمايدى عوي! ٶز قىزمەتتەرٸڭٸزدٸ ادال اتقارۋلارىڭىزدى ٶتٸنەمٸز! پەريناتالدى ورتالىقتاعى جاعدايدى جەكە قاتاڭ باقىلاۋعا الۋدى اتىراۋ وبلىسىنىڭ باسشىلىعىنا تاپسىرامىن. ونىڭ ٸشٸندە, مەديتسينالىق مەكەمەدەگٸ انىقتالعان كەمشٸلٸكتەردٸ جويۋ كەرەك. قىلمىستىق ٸستٸ تەرگەۋ زاڭ تالاپتارىنا ساي جٷرگٸزٸلەدٸ, جۇمىس بارىسىنا كەدەرگٸ كەلتٸرمەيدٸ», - دەدٸ بەردٸبەك ساپارباەۆ مەديتسينا سالاسىنىڭ قىزمەتكەرلەرٸنە.
سونىمەن قاتار, ۆيتسە-پرەمەر دەنساۋلىق ساقتاۋ باسقارماسى باسشىسىنىڭ جاۋاپكەرشٸلٸگٸ جٶنٸندەگٸ مەسەلەنٸ قاراپ, تيٸستٸ قاداعالاۋدىڭ بولماعانى ٷشٸن قوعامدىق دەنساۋلىقتى قورعاۋ دەپارتامەنتٸنٸڭ باسشىلىعىنا قاتىستى شارا قولدانۋدى دەنساۋلىق ساقتاۋ مينيسترلٸگٸنە تاپسىردى.
دەنساۋلىق ساقتاۋ باسقارماسىنىڭ اقپاراتى بويىنشا, تەۋلٸگٸنە مۇندا 25-35 سەبي دٷنيەگە كەلەدٸ ەكەن, دەرٸگەرلەر كٷنٸنە 8-دەن 12 وتا جاسايتىن كٶرٸنەدٸ.
ايتا كەتەيٸك, قاڭتار-قازان ايلارى ارالىعىندا اتىراۋ وبلىسىندا 12403 بالا دٷنيەگە كەلگەن, وسىلايشا, سوڭعى ەكٸ جىلداعى تۋۋ كٶرسەتكٸشٸ 500 سەبيگە دەيٸن ٶسكەن.
