ٷكٸمەتتٸڭ 28 شٸلدەدەگٸ وتىرىسىندا پرەمەر-مينيستر ولجاس بەكتەنوۆ ەنەرگەتيكا جەنە كوممۋنالدىق ينفراقۇرىلىمدى جاڭعىرتۋ جۇمىستارىنىڭ بارىسىن قاراۋ كەزٸندە الماتى وبلىسىنداعى جوبالاردىڭ ٸسكە اسۋ قارقىنىن سىنعا الدى, دەپ حابارلايدى ult.kz.
ٷكٸمەت باسشىسىنىڭ ايتۋىنشا, ٶڭٸردە بٸرقاتار جوبالار بويىنشا ەلٸ كٷنگە دەيٸن كەلٸسٸمشارتتار جاسالماعان. وسىعان بايلانىستى الماتى وبلىسى جٶندەۋ جۇمىستارىنا ٶتٸنٸم بەرۋ دەڭگەيٸ تٶمەن ٶڭٸرلەردٸڭ قاتارىنا ەنگەن.
ٶڭٸر ەكٸمٸ مارات سۇلتانعازيەۆتٸڭ ايتۋىنشا, وبلىستا جالپى قۇنى 62,9 ملرد تەڭگەنٸ قۇرايتىن 10 جوبانى جٷزەگە اسىرۋ جوسپارلانعان. ونىڭ تٶرتەۋٸ جەرگٸلٸكتٸ بيۋدجەت ەسەبٸنەن قارجىلاندىرىلسا, قالعان جوبالاردى "اجك" اق ٸسكە اسىرادى.
جىلۋمەن جابدىقتاۋ سالاسىنداعى ەكٸ جوبا بويىنشا مەردٸگەرلەر انىقتالىپ, كەلٸسٸمشارتتار جاسالعان. ال سۋمەن جابدىقتاۋ جەنە سۋ بۇرۋ باعىتىنداعى ەكٸ جوبا بويىنشا كونكۋرس پروكۋراتۋرانىڭ ۇسىنىسىمەن قايتا جارييالانعان. سەبەبٸ بۇرىنعى كونكۋرس نەتيجەسٸنٸڭ كٷشٸ جويىلعان. قايتا ٶتكٸزٸلەتٸن كونكۋرس 25 تامىزعا دەيٸن اياقتالىپ, جۇمىستاردى جىل سوڭىنا دەيٸن بٸتٸرۋ جوسپارلانىپ وتىر.
سونىمەن قاتار, مارات سۇلتانعازيەۆتٸڭ سٶزٸنشە, قارجى مينيسترلٸگٸ اتالعان ەكٸ جوبانى باسىمدىعى تٶمەن جوبالار قاتارىنا ەنگٸزگەن. ەكٸم پرەمەر-مينيستردەن ولاردى بۇل تٸزٸمنەن شىعارۋعا قولداۋ كٶرسەتۋدٸ سۇرادى.
الايدا مارات سۇلتانعازيەۆتٸڭ بايانداماسىنا ولجاس بەكتەنوۆتٸڭ كٶڭٸلٸ تولمادى.
«سٸزدٸ تىڭداساق, سٸزدەن باسقانىڭ بەرٸ كٸنەلٸ سيياقتى. جۇمىستى تەزدەتٸڭٸزدەر», – دەدٸ ولجاس بەكتەنوۆ.
ايتا كەتەيٸك, مارات سۇلتانعازيەۆ 2022 جىلعى 11 ماۋسىمىنان بەرٸ الماتى وبلىسىنىڭ ەكٸمٸ بولىپ وتىر.
