جولپول جەنە جولپۇل
استاناداعى قابانباي اتىنداعى داڭعىلدىڭ ەۋەجاي جاقتان كەلە جاتقاندا «ازييا پارككە» دەيٸنگٸ بٶلٸگٸ – «اتامان اننەنكوۆتىڭ ازاپ ۆاگونى».
وسى باعىتتاعى ەكٸ جولدىڭ بٸرٸ اۆتوبۋس جولى دا, قالعان ماشينانىڭ بەرٸ بٸر جولدىڭ بويىمەن ٸلبٸپ وتىرادى. وسىنداي ينتەنسيۆتٸ تراسسادا بٷكٸل ماشينا بٸتكەنگە بٸر جول عانا بەرٸپ قويۋ – اۆتوموبيليستٸڭ قانىن ٸشۋدٸڭ كلاسسيكالىق ٷلگٸسٸ.
شىنىندا دا بۇل جول جٷرگٸزۋشٸ بٸتكەندٸ توزاققا ٷيرەتۋدٸڭ تاپتىرماس قۇرالىنا اينالدى. ٶيتكەنٸ, وڭ جاقتاعى اۆتوبۋس جولى كٶبٸنە اشىق تۇرادى. اش ٸشەكتەي سوزىلعان كەپتەلٸستٸڭ قولدان جاسالىپ تۇرعانىنا كٷيٸپ كەتەسٸڭ. شىدامنىڭ دا شەگٸ بار. بۇرىن جول بويىنداعى باعانالاردا قازداي تٸزٸلٸپ تۇرعان فوتواپپاراتتان قورقاتىن جٷرگٸزۋشٸلەر قازٸر ودان دا قايمىقپايتىن بولدى. سانالى تٷردە! تٶزٸمٸ تاۋسىلعان جٷرگٸزۋشٸلەر سوڭعى كەزدەرٸ جول تەرتٸبٸن جيٸ بۇزا باستادى. بۇل تٷبٸ جاقسىلىققا اپارمايدى.
وڭ جاقتاعى بوس جاتقان جول – جول بويىندا قول كٶتەرٸپ تۇرعان سۇلۋ كەلٸنشەكتەي ٶزٸنە تارتادى دا تۇرادى. كٶزدٸڭ جاۋى. سودان بولار, التىن ۋاقىتىنىڭ ەر مينۋتىن باعالاپ ٷيرەنگەندەر اشىق جاتقان جولعا تٷسٸپ الىپ اڭىراتۋدى ەدەتكە اينالدىرىپ العالى قاش-شان?!
بۇل جەردە «ٸزدەگەنگە – سۇراعان» پرينتسيپٸ ەدەمٸ جۇمىس ٸستەي باستاعانىن بايقاماۋ مٷمكٸن ەمەس. ەكٸ-ٷش اپتا بولدى, جولپولدىڭ قۇدايى بەرٸپ تۇر. ورتا تۇستا اڭدىپ تۇرعان پوليتسييا قىزمەتكەرلەرٸ «جول ەرەجەسٸن بۇزۋشىلاردى» توپىرلاتىپ توقتاتىپ, ايىپپۇلدى بۇرقىراتقاندا قۇداي ساقتاسىن! «ريزا» بولاسىڭ! «كەسٸبي شەبەرلٸكتەرٸنە»!
تورعا تٷسكەن تورعايدىڭ كٷنٸن كەشكەن جٷرگٸزۋشٸلەردە تاڭەرتەڭسٸن ەسەپ جوق. كٸنەلٸ بولعان جەردە رەسمي ايىپپۇل دا, «بارماق باستى, كٶز قىستى» ايىپپۇل دا سالىنا بەرەتٸنٸ – كەزدەيسوقتىق ەمەس, زاڭدىلىق. گايشنيكتٸڭ دە قۋ تاماعى بار ەكەنٸن جٷرگٸزۋشٸلەر جاقسى بٸلەتٸنٸن سول جولپول قىزمەتكەرٸنٸڭ ٶزٸ دە جاقسى بٸلەدٸ. سوندىقتان دا ويلايسىڭ: وسىنىڭ بەرٸ ەدەيٸ قولدان جاسالعان نەرسە ەمەس پە?! راس ايتامىن, «حالىقتىڭ قالتاسىن قاعۋدىڭ تاعى بٸر قۇرالى» دەگەننەن باسقا وي كەلمەيدٸ. ويباي-اۋ, قۇدايدىڭ بٸزگە بەرگەن جەرٸ بەرٸمٸزگە جەتٸپ ارتىلاتىن سيياقتى ەدٸ عوي. قۇداي تارىلتپاعاندى نە عىپ جولپول تارىلتىپ تاستاعانىن?! «ەتٸگٸڭ تار بولسا, دٷنيەنٸڭ كەڭدٸگٸنەن نە پايدا?» دەگەن پەلسەپانىڭ ناق ٶزٸ. باسقا ەشتەڭە دە ەمەس. امالسىز اۆتوبۋستىڭ جولىمەن كەلە جاتىپ, الىستان «جولپولشىلاردى» كٶرگەندەگٸ جٷرگٸزۋشٸنٸڭ تٷرٸن كٶرسەڭٸز. كٷلكٸدەن ٶلەسٸز. زاڭداستىرىلعان ماشينا تولى جالعىز جولعا قالاي كٸرٸپ كەتەرٸن بٸلمەي جانتالاسقان جٷرگٸزۋشٸنٸڭ بۇل تٸرلٸگٸ اگونيياعا تٷسكەن راسپۋتيندٸ كٶز الدىڭا الىپ كەلەدٸ. تىپىرلاپ قالعان جٷرگٸزۋشٸ جول اپاتى سيتۋاتسيياسىن جاساپ جاتقانىن بٸلە تۇرا, تٷك ٸستەي الماي پۇشايمان بولا قالاتىنىن كٷندە كٶز كٶرٸپ جٷر.
جامان ايتپاي جاقسى جوق, بۇل بٸر بەلەگە ۇرىندىرماي تىنبايدى. ٶركەنيەتتٸ ەلدەردە كەز كەلگەن نەرسە ادامنىڭ قولايلى ٶمٸر سٷرۋٸ ٷشٸن جاسالادى. بٸزدە كەرٸسٸنشە. سونشاما سورلى بولۋدى نەگە دەل بٸزدٸڭ ماڭدايىمىزعا جازا بەرەدٸ?! كٶزگە شىققان سٷيەلدەي وسى سٷيكٸمسٸز پروبلەما تەز ارادا شەشٸلۋ كەرەكتٸگٸ دەلەلدەۋدٸ كەرەك ەتپەيدٸ.
سوندىقتان دا تىعىز ۋاقىتىڭىزدىڭ توعىز مينۋتىن تٷيٸنٸ قيىن وسى مەسەلەگە بٶلۋٸڭٸزدٸ سۇرايمىن, ەسەت يسەكەشوۆ مىرزا! سٸز قوزعالساڭىز, سەڭ قوزعالادى! ەيتپەسە, جولپول جولپۇلىن ايىرىپ تۇرعانى تۇرعان! مەڭگٸلٸك!
شارحان قازىعۇلدىڭ فەيسبۋكتاعى جازباسىنان
