سيرييانىڭ سولتٷستٸك-شىعىسىندا امەريكالىقتار مەن رەسەيلٸكتەر اراسىندا قاقتىعىس بولىپ, سالدارىنان اقش-تىڭ بٸرنەشە ەسكەريٸ زارداپ شەكتٸ, - دەپ حابارلايدى kaz.tengrinews.kz ريا نوۆوستي اگەنتتٸگٸنە سٸلتەمە جاساپ.
وقيعانىڭ ۆيدەوسى YouTube حوستينگٸندە RusVesna كانالىندا جارييالاندى.
ەسكە سالايىق, وسىعان دەيٸن اقش-تىڭ ۇلتتىق قاۋٸپسٸزدٸك كەڭەسٸنٸڭ ٶكٸلٸ رەسەي ەسكەرٸن سيريياداعى قاقتىعىستاردىڭ الدىن الۋ ەرەجەلەرٸن بۇزدى دەپ ايىپتاعان بولاتىن. ونىڭ ايتۋىنشا, رەسەيلٸك اۆتوكٶلٸك كواليتسييانىڭ بروندالعان ماشيناسىنا سوعىلىپ, نەتيجەسٸندە بٸرنەشە ەكيپاج مٷشەسٸ زارداپ شەككەن.
ال رەسەي قارۋلى كٷشتەرٸ باس شتابىنىڭ باسشىسى ۆالەريي گەراسيموۆ حالىقارالىق كواليتسيياعا رەسەي كولونناسىنىڭ ٶتەتٸنٸ تۋرالى الدىن الا ەسكەرتٸلگەنٸن ايتتى. ونىڭ ايتۋىنشا, امەريكالىق ەسكەريلەردٸڭ ٶزٸ رەسەيلٸك پاترۋلگە جول بەرمەي, بۇعاتتاۋعا تىرىسقان.
