رەسەي, يران جەنە تٷركييانىڭ رەسمي ٶكٸلدەرٸ استانادا اياقتالعان سيرييا بەيبٸت كەلٸسسٶزٸنٸڭ قورىتىندىسى بويىنشا سيريياداعى ەلسٸز بٸتٸمگە باقىلاۋ جاساۋ مەحانيزمٸن قۇرۋعا كەلٸستٸ. بٸراق ولار سيريياداعى التى جىلعا سوزىلعان سوعىستى ساياسي جولمەن توقتاتۋ باعىتىندا ٸلگەرٸ قادام جاساي المادى.
بۇل قورىتىندى مەلٸمدەمەگە كەلٸسسٶزگە قاتىسقان سيرييا وپپوزيتسيياسىنىڭ كٶڭٸلٸ تولمادى. وپپوزيتسييا ٶكٸلدەرٸ قاقتىعىستى توقتاتۋ رەجيمٸن بۇزۋعا باقىلاۋ جاساۋدىڭ ٶز جوسپارىن ۇسىندى. سيرييا وپپوزيتسيياسى دەلەگاتسيياسىنىڭ باسشىسى موحاممەد اللۋش وپپوزيتسييانىڭ كەلٸسسٶزدٸڭ قورىتىندىسى تۋرالى ورتاق مەلٸمدەمەگە قاتىستى باستى ەسكەرتپەلەرٸنٸڭ بٸرٸ قۇجاتتاعى "رەتتەۋ" سٶزٸنٸڭ قولدانىلۋى ەكەنٸن مەلٸمدەدٸ.
"بٸز مۇندا رەتتەۋ ٷشٸن كەلگەن جوقپىز. بٸز داعدارىستى بيلٸكتٸ الماستىرۋعا الىپ كەلەتٸندەي ەتٸپ ساياسي شەشەتٸن كەلٸسسٶز جٷرگٸزۋگە كەلدٸك. بۇل شەشٸم العاشقى كەزەڭ, ياعني قاقتىعىستى توقتاتۋ ارقىلى ٸسكە اسادى" دەدٸ اللۋش. ول سونىمەن بٸرگە وپپوزيتسييا "تەرريتورييالاردا قاقتىعىستى توقتاتۋ رەجيمٸ ناقتى ورناتىلمايىنشا" داعدارىستى ساياسي جولمەن شەشۋ مەحانيزمدەرٸن تالقىلامايتىنىن جەتكٸزدٸ.
اللۋشتىڭ سٶزٸنشە, قاقتىعىس راسىمەن توقتاعان سوڭ "گۋمانيتارلىق شارالار قابىلدانۋى تيٸس", وپپوزيتسييا سودان كەيٸن عانا داعدارىستى ىقتيمال ساياسي جولمەن شەشۋگە كٸرٸسەدٸ. ول بۇعان قوسا بٸتٸمدٸ باقىلاۋدىڭ بالامالى مەحانيزمدەرٸ "بٸتٸمنٸڭ قانشالىقتى بۇزىلعانىن, ونىڭ اۋقىمى مەن كٸم بۇزعانىن" انىقتاۋعا كٶمەكتەسەدٸ. اللۋشتىڭ ايتۋىنشا, بۇل تۋرالى قۇجات استانادا كەلٸسسٶزگە قاتىسقان رەسەي, تٷركييا جەنە بۇۇ ٶكٸلدەرٸنە بەرٸلگەن.
ال سيرييا وپپوزيتسيياسى دەلەگاتسيياسىنىڭ ٶكٸلٸ, "سيرييا ەرٸكتٸ ارميياسىنىڭ" دا ٶكٸلٸ سانالاتىن وساما ابۋ زەيد وپپوزيتسييانى جاساقتارى بٸتٸمگە مونيتورينگ جاساۋ مەحانيزمٸ جٶنٸندەگٸ كەلٸسٸمگە قوسپاعانىن ايتادى. "بۇل - تٷركييا, رەسەي جەنە يران اراسىنداعى كەلٸسٸم. ولار ەگەمەن مەملەكەتتەر جەنە ٶزدەرٸ قالاعان كەز-كەلگەن كەلٸسٸم جاساي الادى. قورىتىندى مەلٸمدەمە قابىلداناتىن كەزدە بٸز بٸراز ەسكەرتپەمٸز بارىن ايتتىق. بۇعان قوسا, يران "كەپٸل بەرۋشٸ مەملەكەت" دەپ كٶرسەتٸلٸپتٸ" دەدٸ وساما ابۋ زەيد.
