سولتٷستٸك قازاقستان وبلىسىنداعى ەيگٸلٸ مەڭگەسەر تۇزدى كٶلٸندە تاعى دا قايعىلى وقيعا تٸركەلدٸ. بۇل جولى 63 جاستاعى ەيەل سۋعا تٷسكەننەن كەيٸن كەنەتتەن ٶزٸن جايسىز سەزٸنٸپ, كٶز جۇمدى, دەپ حابارلايدى ult.kz.
سقو پوليتسييا دەپارتامەنتٸنٸڭ مەلٸمەتٸنشە, وقيعا 26 شٸلدە كٷنٸ ساعات 13:00 شاماسىندا بولعان. ەيەل كٶلگە تۋىستارىمەن بٸرگە دەمالۋعا كەلگەن. سۋ ٸشٸندە جاعدايى كٷرت ناشارلاعان.
جاعاعا شىعارىلعان سوڭ وعان مەديتسينالىق كٶمەك كٶرسەتٸلگەنٸمەن, دەرٸگەرلەر ونىڭ ٶمٸرٸن ساقتاپ قالا المادى.
قازٸرگٸ ۋاقىتتا اتالعان دەرەك بويىنشا سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر.
«وقيعانىڭ بارلىق مەن-جايىن انىقتاۋعا باعىتتالعان قاجەتتٸ تەرگەۋ ەرەكەتتەرٸ قولعا الىندى. تەرگەۋ نەتيجەسٸ بويىنشا تيٸستٸ پروتسەسسۋالدىق شەشٸم قابىلدانادى», – دەپ حابارلادى پوليتسييانىڭ باسپاسٶز قىزمەتٸ.
بۇل – مەڭگەسەر كٶلٸندە سوڭعى ۋاقىتتا بولعان العاشقى قايعىلى جاعداي ەمەس. وسىدان بٸر اي بۇرىن دەل وسى جەردە 77 جاستاعى ەر ادام قايتىس بولعان. كۋەگەرلەردٸڭ ايتۋىنشا, ول سۋعا تٷسكەن كەزدە ٶزٸن ناشار سەزٸنٸپ, قان قىسىمى كٶتەرٸلگەن.
مامليۋت اۋدانىنداعى مەڭگەسەر تۇزدى كٶلٸ سولتٷستٸك قازاقستان تۇرعىندارى اراسىندا عانا ەمەس, كٶرشٸ وبلىستار مەن رەسەيدەن كەلەتٸن دەمالۋشىلار اراسىندا دا تانىمال. كٶلدٸڭ ەمدٸك بالشىعى تٸرەك-قيمىل اپپاراتى, تەرٸ جەنە باسقا دا بٸرقاتار اۋرۋلارعا پايدالى دەپ ەسەپتەلەدٸ.
الايدا ماماندار ەمدٸك ماقساتتا قولدانىلاتىن كٶل سۋىندا ۇزاق ۋاقىت بولۋعا بولمايتىنىن ەسكەرتەدٸ. مامانداردىڭ ايتۋىنشا, سۋدا 15–30 مينۋتتان ارتىق جاتۋ دەنساۋلىققا قاۋٸپ تۋدىرۋى مٷمكٸن.
