الماتىدا امبۋلاتورييالىق دەڭگەيدە اۋقىمدى جۇمىس جٷرگٸزٸلۋدە. سيمپتومسىز ناۋقاستاردى موبيلدٸك بريگادا قاداعالايدى. بۇل تۋرالى ونلاين بريفينگ بارىسىندا قالالىق دەنساۋلىق ساقتاۋ باسقارماسىنىڭ باسشىسى كامالجان نادىروۆ ايتتى, دەپ حابارلايدى قازاقپارات.
ونىڭ ايتۋىنشا, قالاداعى ەر ەمحانادا بەكٸتٸلگەن رەگلامەنتكە سەيكەس پاتسيەنتتەردٸ مونيتورينگٸلەۋمەن اينالىساتىن موبيلدٸ بريگادالار قۇرىلعان. بٷگٸنگٸ كٷنٸ ولاردىڭ سانى – 72. موبيلدٸ توپتىڭ قۇرامىنا بٶلٸمشە مەڭگەرۋشٸلەرٸ, ينفەكتسيونيست دەرٸگەرلەر, ەپيدەميولوگتار, ۋچاسكەلٸك دەرٸگەرلەر مەن مەيٸربيكەلەر كٸرەدٸ. بارلىعى 287 مەديتسينا قىزمەتكەرٸ جۇمىلدىرىلعان.
«قازٸرگٸ ۋاقىتتا قالادا امبۋلاتورييالىق دەڭگەيدە مونيتورينگتە 2986 ادام بار, ونىڭ ٸشٸندە سيمپتومسىز تٷرٸمەن 2365 ادام اۋىرىپ جاتىر. بۇل - ناۋقاستاردىڭ 79%. 621 ادامنىڭ سيمپتومدارى بار, ولاردىڭ ٷلەسٸ 21%-دى قۇرايدى. امبۋلاتورييالىق دەڭگەيدە سيمپتومدارى بار اۋىرلىقتىڭ جەڭٸل دەرەجەسٸندە 555 ادام – 89%, اۋىرلىقتىڭ ورتاشا دەرەجەسٸندە - 66 ادام نەمەسە باقىلاۋ جٷرگٸزٸلگەن ادامداردىڭ 11%. سوزىلمالى اۋرۋلارى بار, تەۋەكەل توبىنداعى 60 جاستان اسقان ادامدارعا ەرەكشە كٶڭٸل بٶلٸنۋدە, قازٸرگٸ ۋاقىتتا ولاردىڭ سانى – 94 ادام», – دەدٸ كامالجان نادىروۆ.
سونىمەن قاتار, ول دەنە قىزۋى كٸشكەنە كٶتەرٸلگەنٸ ٷشٸن مٸندەتتٸ تٷردە اۋرۋحاناعا جاتۋدىڭ قاجەتٸ جوق ەكەنٸن ايتتى.
«مۇندا بٸز ۆيرتۋالدى جۇقپالى اۋرۋلار اۋرۋحاناسىن اشىپ, راستالعان جاعدايلاردا دا, كوروناۆيرۋستىڭ ىقتيمال جاعدايلارى بار پاتسيەنتتەردٸڭ دەنساۋلىق جاعدايىنا مونيتورينگ جٷرگٸزۋدەمٸز. تەجٸريبە كٶرسەتكەندەي, بۇل جەردە ەڭ قيىنى - ٸندەتتٸڭ سيمپتومسىز نەمەسە جەڭٸل تٷرٸ بار حالىقتى ٷيدە وتىرۋعا كٶندٸرۋ. ەيتكەنمەن ستاتسيونارلاردىڭ تٶسەك-ورنى تولىپ قالۋىنا بايلانىستى بارشا حالىققا ەڭ الدىمەن ٷرەيگە بوي الدىرماي, بولماشى دەنە قىزۋى اۋرۋحاناعا جاتقىزۋعا سەبەپ بولمايتىنىن ايتقىم كەلەدٸ», – دەدٸ ول.
