نۇر-سۇلتانعا استانا پروتسەسٸ اياسىنداعى سيرييا كەلٸسسٶزٸنٸڭ 25-26 سەۋٸردە ٶتەتٸن 12-كەزەڭٸنە قاتىسۋعا تاراپتار كەلٸپ جاتىر. بۇل تۋرالى قازاقستان سىرتقى ٸستەر مينيسترلٸگٸ حابارلادى.
مينيسترلٸك تاراتقان مەلٸمدەمە "رەسەي پرەزيدەنتتٸڭ سيرييا بويىنشا ارنايى ٶكٸلٸ الەكساندر لاۆرەنتەۆ - العاش بولىپ كەلگەندەردٸڭ بٸرٸ. يران دەلەگاتسيياسىن سىرتقى ٸستەر مينيسترلٸگٸنٸڭ ساياسي مەسەلەلەر بويىنشا اعا كٶمەكشٸسٸ ەلي اسگار حادجي, تٷركييا تاراپىن سىرتقى ٸستەر مينيسترٸنٸڭ ورىنباسارى سەدات ونال باستاپ كەلدٸ" دەپ جازىلعان.
پروتسەسكە قاتىسۋعا كەلگەندەر اراسىندا سيرييا ٷكٸمەتٸ مەن قارۋلانعان وپپوزيتسييا دەلەگاتسيياسى بار. مينيسترلٸك حابارىنا قاراعاندا, 12-كەزەڭگە باقىلاۋشى رەتٸندە يوردانييا, بۇۇ-نىڭ بوسقىندار ٸسٸ بويىنشا جوعارعى كوميسسار باسقارماسى مەن قىزىل كرەست حالىقارالىق كوميتەتٸنٸڭ ٶكٸلدەرٸ قاتىسادى.
سىرتقى ٸستەر مينيسترلٸگٸ "استانا پروتسەسٸنە العاش رەت قاتىسقالى جاتقان بۇۇ باس حاتشىسىنىڭ ارناۋلى ەلشٸسٸ گەير پەدەرسەن بٷگٸن كەلەدٸ" دەپ حابارلادى.
نۇر-سۇلتان جوسپارىنشا, 25 سەۋٸردە - ەكٸ جاقتى, ٷش جاقتى كەڭەس بەرۋ جيىندارى, 26 سەۋٸردە قۇجاتتاردى قابىلداۋ ٷشٸن كەڭەيتٸلگەن جيىن ٶتەدٸ.
استانا كەلٸسسٶزٸ 2017 جىلى قاڭتاردا رەسەي پرەزيدەنتٸ ۆلاديمير پۋتيننٸڭ ۇسىنىپ, قازاقستاننىڭ ەكس-پرەزيدەنتٸ نۇرسۇلتان نازارباەۆ ونى قولداعان سوڭ باستالعان. نۇر-سۇلتانداعى سيرييا بەيبٸت كەلٸسسٶزٸ جەنەۆاداعى بۇۇ باستاماسىمەن اشىلعان كەلٸسسٶزدەن بٶلەك ٶتەدٸ.
كەلٸسسٶز سيريياداعى ازاماتتىق سوعىستى توقتاتۋدى كٶزدەيدٸ. بۇعان دەيٸن اقش مەسكەۋ مەن داماسكٸنٸ استاناداعى كەلٸسسٶزدەن نەتيجە شىعارا الماي وتىر دەپ سىناعان. اقش مەملەكەتتٸك دەپارتامەنتٸنٸڭ رەسمي ٶكٸلٸ حيزەر نويەرت كەلٸسسٶزدٸ "فارس" دەپ اتاعان.
