قازاقستان سىرتقى ٸستەر مينيسترلٸگٸ رەسەي مەملەكەتتٸك دۋماسىنىڭ دەپۋتاتى پاۆەل شپەروۆتٸڭ قازاقستاننىڭ تەرريتورييالىق تۇتاستىعى جٶنٸندە ايتقان سٶزدەرٸنە قاتىستى رەسەي سىرتقى ٸستەر مينيسترلٸگٸنە الاڭداۋشىلىعىن بٸلدٸردٸ, - دەپ حابارلادى مينيسترلٸكتٸڭ باسپاسٶز حاتشىسى ەنۋار جايناقوۆ.
سٸم مەلٸمەتٸنشە, كەشە قازاقستان سىرتقى ٸستەر مينيسترٸنٸڭ بٸرٸنشٸ ورىنباسارى مۇحتار تٸلەۋبەردٸ رەسەي سىرتقى ٸستەر مينيسترٸنٸڭ ورىنباسارى - ستاتس-حاتشى گريگوريي كاراسينمەن تەلەفونمەن سٶيلەسٸپ, ەكٸ جاقتى ىنتىماقتاستىق مەسەلەلەرٸن تالقىلاعان. تاراپتار ايماقتىق جەنە حالىقارالىق كٷن تەرتٸبٸندە تۇرعان ٶزەكتٸ مەسەلەلەر بويىنشا پٸكٸر الماسقان.
رەسەيلٸك اقپارات قۇرالدارى 27 قاڭتاردا پاۆەل شپەروۆتٸڭ مەملەكەتتٸك دۋمادا ٶتكەن "شەتەلدەردەگٸ وتانداستار: ٶتكەن شاق پەن قازٸرگٸ ۋاقىت" دەگەن تاقىرىپتاعى دٶڭگەلەك ٷستەلدە جاقىن شەتەلدەردەگٸ, ونىڭ ٸشٸندە قازاقستانداعى ورىستاردى دياسپورا دەپ اتاۋدى "ساياسي قاتەلٸك" دەپ اتاپ, ولار تۇراتىن تەرريتورييانىڭ "رەسەيدٸڭ ۋاقىتشا تارتىپ الىنعان جەرلەرٸ" ەكەنٸن ايتقانىن حابارلاعان. شپەروۆ "شەكارالاردىڭ مەڭگٸلٸك ەمەسٸن" ايتىپ, رەسەي جاقىن بولاشاقتا ٶزٸنٸڭ "مەملەكەتتٸك شەكاراسىنا ورالاتىنىن" ايتقان.
سٸم رەسەي دەپۋتاتىنىڭ سٶزٸندە ونىڭ قازاقستاننىڭ تەرريتوريياسىنا قاتىستى تالاپ-شاعىمى بارى بايقالاتىنىن, بٸراق رەسەي جاعى قازاقستان سىرتقى ٸستەر مينيسترلٸگٸنٸڭ ٷندەۋٸن بايىپتى قابىلداعانىن ايتادى.
