قازاقستان پرەزيدەنتٸ قاسىم-جومارت توقاەۆتىڭ تاپسىرماسىنا سەيكەس بٷگٸن اۋعانستاننان 35 قانداستىڭ تاريحي وتانىنا ورالۋى ۇيىمداستىرىلدى, دەپ حابارلايدى "ۇلت اقپارات" سىرتقى ٸستەپ مينيسترلٸگٸ باسپاسٶز قىزمەتٸنە سٸلتەمە جاساپ.
«قر قورعانىس مينيسترلٸگٸنٸڭ ارنايى ۇشاعى كابۋلدان الماتى قالاسىنىڭ ەۋەجايىنا 41 جولاۋشىمەن ۇشىپ كەلدٸ, ولاردىڭ ٸشٸندە قازاقستاننىڭ 4 ازاماتى, قىرعىزستاننىڭ 1 ازاماتى جەنە قازاقستاندا تۇراقتى تۇراتىن 1 اۋعان بار. كەلگەن جولاۋشىلار كارانتيننەن ٶتۋ ٷشٸن ۋاقىتشا وقشاۋلانادى. ەۆاكۋاتسييالىق رەيستٸ ۇيىمداستىرۋ «تاليبان» قوزعالىسىمەن (قازاقستاندا تىيىم سالىنعان - اۆت.) ٷيلەستٸرٸلٸپ جٷزەگە اسىرىلدى. قازاقستاننىڭ كابۋلداعى ەلشٸلٸگٸ قالىپتى رەجيمدە جۇمىس ٸستەيدٸ جەنە اۋعانستاندا تۇراتىن قانداستارمەن تۇراقتى بايلانىستا», دەلٸنگەن حابارلامادا.
مينيسترلٸكتٸڭ مەلٸمەتٸنشە, قازٸر ٶتٸنٸش بەرۋشٸلەردٸڭ ەتنيكالىق سەيكەستٸگٸن راستاۋ جەنە قانداستاردى قايتارۋ جۇمىسى جالعاسىپ جاتىر.
ەسكە سالا كەتسەك, قر پرەزيدەنتٸ قاسىم-جومارت توقاەۆ جاڭادان تاعايىندالعان تٶتەنشە جەنە ٶكٸلەتتٸ ەلشٸلەرٸنٸڭ قازاقستان پرەزيدەنتٸنە سەنٸم گراموتاسىن تاپسىرۋ رەسٸمٸندە اۋعانستانداعى قازاق دياسپوراسىن ەلگە قايتارۋ مەسەلەسٸن قاراستىرىپ جاتقانىن مەلٸمدەگەن ەدٸ.
18 تامىزدا قازاقستان اۋعانستاننان ٶزٸنٸڭ 25 ازاماتىن جەنە قىرعىزستان, رەسەي مەن ليتۆانىڭ 16 ازاماتىن ەۆاكۋاتسييالادى. بۇدان باسقا, الماتىعا كابۋلدان اۋعانستانعا كٶمەك كٶرسەتۋ جٶنٸندەگٸ بۇۇ ميسسيياسى (UNAMA) جەنە باسقا دا حالىقارالىق ۇيىمداردىڭ كەڭسەلەرٸ ۋاقىتشا كٶشٸرٸلدٸ.
