قازاقستاننىڭ سىرتقى ٸستەر مينيسترلٸگٸ يراندا دەرەكتٸ كينو تٷسٸرٸپ جٷرگەن قازاقستاندىق رەجيسسەر, ستسەناريست ەرٸ وپەراتور قانات بەيسەكەەۆ ۇستالدى دەگەن اقپاراتقا قاتىستى پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ.
"بيىلعى 16 ماۋسىمدا قازاقستاننىڭ گورگان قالاسىنداعى باس كونسۋلدىعى ٷش ادامنان تۇراتىن قازاقستاندىق تٷسٸرٸلٸم توبىمەن كەزدەسۋٸ كەزٸندە يراندا تٷسٸرٸلٸم جاساۋعا ارناۋلى ۆيزاسىنىڭ بولماعانىن انىقتاپ, جەرگٸلٸكتٸ بيلٸكتەن وسى قۇجاتتى الۋدى كەڭەس ەتتٸ. باس كونسۋلدىقتىڭ مەلٸمەتٸنشە, تٷسٸرٸلٸم توبى قازاقستانعا ۇشۋ ٷشٸن تەگەرانعا اتتانعانى انىقتالدى. قانات بەيسەكەەۆ تٷسٸرٸلٸم جاساۋعا ارنايى رۇقساتتى الۋدا كونسۋلدىق مەكەمەسٸنٸڭ قولعابىس ەتۋٸنەن ۋاقىتىنىڭ تاپشىلىعىنا بايلانىستى باس تارتتى. الايدا 20 ماۋسىمدا تٷسٸرٸلٸم توبى گورگان قالاسىنا ورالىپ, تٷسٸرٸلٸمٸن جالعاستىرعان, مۇندا جەرگٸلٸكتٸ كٶشٸ-قون ورگاندارى تٷسٸرٸلٸمگە رۇقساتىنىڭ بولماۋىنا بايلانىستى ولاردان تەگەرانعا ورالۋىن سۇراعان", - دەلٸنگەن ۆەدومستۆو حابارلاماسىندا.
يرانداعى دەمالىس كٷندەرٸنە قاراماستان باس كونسۋلدىقتىڭ تٷسٸرٸلٸم توبىنىڭ قايدا ەكەنٸن انىقتاۋ ٷشٸن جەرگٸلٸكتٸ بيلٸكپەن بايلانىس ورناتۋعا تىرىسىپ جاتقانى ايتىلادى. باس كونسۋلدىق وسى مەسەلە بويىنشا يراننىڭ سىرتقى ٸستەر مينيسترلٸگٸنە ارنايى نوتا جولداعان.
ەسكە سالايىق مۇنىڭ الدىندا PR-مامان ەلٸشەر ەلٸكباەۆ يراندا دەرەكتٸ كينو تٷسٸرٸپ جٷرگەن قازاقستاندىق رەجيسسەر, ستسەناريست ەرٸ وپەراتور قانات بەيسەكەەۆتٸڭ ۇستالعانىن حابارلاعان ەدٸ.
"ول بۇل ەلدە فيلم تٷسٸرٸپ جاتىر. ەندٸ يرانداعى قازاقتار تۋرالى فيلم شىعا ما, جوق پا - بەلگٸسٸز. كٶپ بولدى سول جاقتا جٷرگەنٸنە. ەندٸ عانا بٸلٸپ وتىرمىن. ەشقانداي دا مەن-جايىن بٸلمەيمٸن. ونى ۇستاپ, بارلىق قۇرال-جابدىعىن تەركٸلەپتٸ. بۇعان دەيٸن ول موڭعوليياداعى قازاقتار تۋرالى فيلم تٷسٸرگەن, كەيٸن ٶزبەكستانعا بارىپ, سونداعى قازاقتار جايلى فيلم تٷسٸرگەن, ەندٸ يرانعا بارعان", - دەدٸ ەلٸشەر ەلٸكباەۆ.
ونىڭ ايتۋىنشا, بەيسەكەەۆتەن بٸرنەشە مىڭ دوللار تۇراتىن قۇرال-جابدىعى تەركٸلەنگەن.
