يتالييانىڭ سيتسيلييا ارالىنداعى مەسسينا ايماقتىق مۋزەيٸنەن قايتا ٶرلەۋ دەۋٸرٸنٸڭ كٶرنەكتٸ سۋرەتشٸسٸ انتونەللو دا مەسسينانىڭ تٶرت تۋىندىسى ۇرلاندى. قىلمىسكەرلەر مۋزەيدٸڭ بٸرنەشە دەڭگەيلٸ قاۋٸپسٸزدٸك جٷيەسٸن اينالىپ ٶتٸپ, اسا قۇندى ٶنەر تۋىندىلارىن الىپ كەتكەن, دەپ حابارلايدى ult.kz.
مۋزەي ديرەكتورى ماريزا مەركۋريونىڭ ايتۋىنشا, ۇرلىق سەنبٸ كٷنٸ كەشكە جاسالعان. قاسكٶيلەر دابىل جٷيەسٸ مەن ٶزگە دە قورعاۋ قۇرالدارىن اينالىپ ٶتٸپ, كٶرمە زالدارىنا كٸرگەن.
ۇرلانعان جەدٸگەرلەردٸڭ قاتارىندا 1473 جىلعا تيەسٸلٸ «ەۋليە گريگوريي پوليپتيحٸنٸڭ» اعاشتان جاسالعان بەس تاقتاسىنىڭ ٷشەۋٸ بار. بۇدان بٶلەك, مارييام انا مەن حريستوس بەينەلەنگەن ەكٸجاقتى يكونا دا قولدى بولعان. بۇل تۋىندى ارنايى قورعالعان بروندى سٶرەدە ساقتالعان.
مۋزەي باسشىسى بولعان جاعدايعا بايلانىستى الاڭداۋشىلىق بٸلدٸردٸ.
«بٸز ەسەڭگٸرەپ وتىرمىز. بۇل – مۋزەي, قالا, قوعام جەنە ٶنەر ەلەمٸ ٷشٸن ٷلكەن شىعىن», – دەدٸ ماريزا مەركۋريو. ونىڭ سٶزٸن Corriere della Sera باسىلىمى جارييالادى.
مۋزەي ديرەكتورىنىڭ ايتۋىنشا, ۇرلانعان جەدٸگەرلەر مەسسينانىڭ ەڭ ماڭىزدى ەرٸ تانىمال ٶنەر تۋىندىلارىنىڭ قاتارىنا جاتادى.
قازٸر وقيعاعا قاتىستى تەرگەۋ جٷرٸپ جاتىر. قۇقىق قورعاۋ ورگاندارى قىلمىسقا قاتىسى بار ادامداردى انىقتاپ, ۇرلانعان تۋىندىلاردى تابۋعا ەرەكەت جاساپ جاتىر.
