جەكسەنبٸ, 23 قازاندا قىتاي كوممۋنيستٸك پارتيياسىنىڭ 20-سەزٸ اياقتالدى. سەزد نەتيجەسٸندە سي تسزينپين باس حاتشى قىزمەتٸنە قايتا سايلاندى. ول كومپارتييا حاتشىلىعىنا وسىمەن ٷشٸنشٸ رەت سايلانىپ وتىر.
سەزد سونىمەن بٸرگە پارتييا ورتالىق كوميتەتٸنٸڭ جاڭا قۇرامىن بەكٸتتٸ. تٸزٸمگە ساياسي بيۋرونىڭ تۇراقتى كوميتەتٸنٸڭ جەتٸ مٷشەسٸنٸڭ تٶرتەۋٸ ەنبەي قالدى. اراسىندا پرەمەر-مينيستر لي كەتسيان دا بار. 22 قازاندا سي تسزينپين سٶيلەمەي تۇرىپ قىتايدىڭ بۇرىنعى باسشىسى حۋ تسزينتاو زالدان شىعارىلعان. كەيبٸر ساراپشىلار حۋ تسزينتاونىڭ ۇستالۋى مٷمكٸن ەكەنٸن بولجاعان. رەسمي پەكيننٸڭ تٷسٸندٸرۋٸنشە, "پارتييانىڭ بۇرىنعى باسشىسى ٶزٸن ناشار سەزٸنٸپ, كٶمەكشٸلەرٸ زالدان شىعۋعا كٶمەكتەسكەن".
ەكٸ ساعاتقا سوزىلعان بايانداماسىندا سي تسزينپين قىتايدىڭ 2035 جىلعا دەيٸنگٸ دامۋ جوسپارىنا توقتالدى. ول ەكونوميكا, بٸلٸم سالاسىن دامىتۋ, ٶنەركەسٸپتٸ مودەرنيزاتسييالاۋ, "جاسىل" ەنەرگەتيكاعا كٶشۋ مەسەلەلەرٸ تۋرالى ايتتى. تايۆاندى قىتايعا بەيبٸت تٷردە قوسىپ الۋ جوسپارىنىڭ ورىندالۋى بارعان سايىن قيىنداسا دا, سەزدە كومپارتييا تايۆان تەۋەلسٸزدٸگٸنە قارسى تۇرۋ جٶنٸندە شەشٸم قابىلدادى. سي تسزينپين بايانداماسىندا قىتاي تايۆاندى بەيبٸت تٷردە قوسىپ الۋعا ۇمتىلادى, الايدا قاجەت جاعدايدا كٷش قولدانۋعا دايىن دەدٸ.
