مەسكەۋدە سىرتقى ٸستەر مينيسترلەرٸنٸڭ كەڭەسٸنٸڭ (سٸمك) وتىرىسى بارىسىندا شىۇ تاراپتارى سىرتقى ساياسي ىنتىماقتاستىقتى ودان ەرٸ تەرەڭدەتۋ جەنە دامىتۋ جٶنٸندەگٸ بٸرٸنشٸ كەزەكتەگٸ مٸندەتتەردٸ قاراستىردى, دەپ حابارلايدى قازاقپارات.
قازاقستاندىق تاراپتان شاراعا قازاقستان رەسپۋبليكاسىنىڭ سىرتقى ٸستەر مينيسترٸ مۇحتار تٸلەۋبەردٸ قاتىستى.
شىۇ سٸمك وتىرىسىنىڭ قورىتىندىسى بويىنشا ٶتكەن باسپاسٶز كونفەرەنتسيياسىندا رەسەي سٸم باسشىسى سەرگەي لاۆروۆ تاراپتار شىۇ-عا مٷشە مەملەكەتتەردٸڭ الداعى سامميتٸنە قۇجاتتاردى دايىنداۋ بارىسىن تالقىلاعانىن, سونداي-اق حالىقارالىق جەنە ٶڭٸرلٸك كٷن تەرتٸبٸندەگٸ بٸرقاتار ٶزەكتٸ مەسەلەلەر بويىنشا كەڭەس ٶتكٸزگەنٸن حابارلادى.
«بٸز قوسىمشا قادامداردى قاجەت ەتەتٸن ىنتىماقتاستىق باعىتتارىن قاراستىردىق. ولاردىڭ قاتارىندا حالىقارالىق تەرروريزمگە, ەسٸرتكٸنٸڭ زاڭسىز اينالىمىنا, ترانسشەكارالىق ۇيىمداسقان قىلمىسقا جەنە كيبەرقىلمىسقا قارسى كٷرەستە كٷش-جٸگەردٸ بٸرٸكتٸرۋ مەسەلەلەرٸ بار. بارلىق وسى باعىت بويىنشا مەملەكەت باسشىلارىنىڭ بەكٸتۋٸنە ۇسىنىلاتىن ٶتٸنٸشتەر مەن باسقا دا قۇجاتتاردىڭ جوبالارى ماقۇلداندى», - دەپ اتاپ ٶتتٸ ول.
س.لاۆروۆ سونداي-اق اۋعانستان بويىنشا, سيرييا مەسەلەسٸن رەتتەۋ بويىنشا, تاياۋ شىعىس پەن افريكانىڭ سولتٷستٸگٸندەگٸ بٸرقاتار مەسەلەلەر بويىنشا تاراپتار پٸكٸر الماسقانىن ايتتى.
«بٸزدە اقش-تىڭ يراننىڭ يادرولىق باعدارلاماسىن رەتتەۋ جٶنٸندەگٸ بٸرلەسكەن كەشەندٸ ٸس-قيمىل جوسپارىنان شىعۋى تٶڭٸرەگٸندە قالىپتاسقان جاعداي بويىنشا ورتاق ۇستانىم بار», - دەپ اتاپ ٶتتٸ س.لاۆروۆ.
سونداي-اق, تاراپتار شىۇ-نىڭ 2035 جىلعا دەيٸنگٸ كٶپجاقتى ەكونوميكالىق دامۋ باعدارلاماسىن ٸسكە اسىرۋداعى ماڭىزىن اتاپ ٶتتٸ. ٶزارا كٶلٸكتٸك بايلانىس, ٶزارا ەسەپتەسۋدە ۇلتتىق ۆاليۋتالارعا كٶشۋ, ساۋدا مەن ينۆەستيتسييا ٷشٸن اشىق جاعداي جاساۋ مەسەلەلەرٸ قارالدى.
رەسەي سٸم باسشىسى شىۇ-عا مٷشە مەملەكەتتەر باسشىلارىنىڭ قاتىسۋىمەن ٶتەتٸن سامميت وسى جىلدىڭ قاراشا ايىندا بەينەكونفەرەنتسييا فورماتىندا ٶتەتٸنٸن حابارلادى. وسىدان كەيٸن ۇيىمعا تٶراعالىق ەتۋ تەجٸكستانعا ٶتەدٸ.
