2018 جىلدىڭ 31 قازانى كٷنٸ ساعات 16:00-دە قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى كٸتاپحاناسىندا ەلەمگە ەيگٸلٸ تاريحشى راشيد اد-دين حامادانيدٸڭ تۇڭعىش رەت قازاق تٸلٸنە اۋدارىلعان «جاميع ات-تاۋاريح» 5 تومدىعىنىڭ تۇساۋكەسەر رەسٸمٸ ٶتەدٸ.
عۇلاما عالىم راشيد اد-دين فازلۋللاح حامادانيدٸڭ 1316 جىلى پارسى تٸلٸندە جارىق كٶرگەن «جاميع ات-تاۋاريح» («تاريحتار جيناعى») اتتى شىعارماسى تٷپنۇسقادان تۇڭعىش رەت قازاق تٸلٸنە تولىق اۋدارىلىپ, وقىرمان قاۋىمنىڭ نازارىنا ۇسىنىلىپ وتىر.
بۇل كٸتاپتا ۇلى دالادا عاسىرلار بويى ٶمٸر سٷرٸپ, تٸرشٸلٸك ەتكەن حالىقتاردىڭ پايدا بولۋى, ولاردىڭ تٷرلٸ تايپالارعا بٶلٸنۋٸ, سولاردىڭ ٸشٸنەن كەيٸننەن قازاق حالقىنىڭ قۇرامىنا كٸرگەن رۋ-تايپالاردىڭ شىعۋ تەگٸ, تاريحى, ٶمٸرلٸك سالت-دەستٷرلەرٸ, اتا قونىستارى, بٸر-بٸرٸمەن قارىم-قاتىناستارى تولىق باياندالعان.
سونداي-اق, وسى تايپالاردىڭ اراسىنان شىققان ۇلى قاعان شىڭعىس حاننىڭ ٶمٸربايانى, شەجٸرەسٸ, ونىڭ اتا-بابالارىنىڭ, داڭقتى ۇلدارى مەن ۇرپاقتارىنىڭ تاريحى, جورىقتارى, ناقىل سٶزدەرٸ مەن ٶسيەتتەرٸ, ولار بيلٸك جاساعان ۋاقىتتارىندا ورىن العان ەرەكشە وقيعالار جەنە كٶرشٸلەس ەلدەردٸڭ بيلەۋشٸلەرٸنٸڭ تاريحى جازىلعان.
راشيد اد-ديننٸڭ «جاميع ات-تاۋاريح» شىعارماسى سول كەزدەگٸ شىڭعىس قاعاننىڭ مۇراگەرلەرٸ مەن كۋەگەرلەردٸڭ, شەجٸرەشٸ تاريحشىلاردىڭ تالقىسى مەن كٶمەگٸ ارقىلى بەكٸتٸلگەن بٸردەن-بٸر شىنايى تٷپنۇسقا دەرەككٶزٸ بولىپ سانالادى. ياعني, كٸتاپتان شىڭعىس حان جەنە ونىڭ ۇرپاقتارى تۋرالى شىنايى مەلٸمەتتەرمەن تانىسۋعا بولادى.
شىعارمانى قازاق تٸلٸنە تٸكەلەي اۋدارعان – اراب, پارسى تٸلدەرٸنٸڭ بٸلگٸر مامانى, قازاقستان مۇسىلماندارى دٸني باسقارماسى جانىنداعى عۇلامالار كەڭەسٸنٸڭ مٷشەسٸ, وڭتٷستٸك قازاقستان مەملەكەتتٸك ۋنيۆەرسيتەتٸنٸڭ «تٷركٸتانۋ» عىلىمي-زەرتتەۋ ورتالىعىنىڭ اعا عىلىمي قىزمەتكەرٸ زەرٸپباي جۇمانۇلى ورازباي.
تۋىندى ەۋرازييالىق توپتىڭ (ERG) قارجىلاي قولداۋىمەن جارىق كٶردٸ.
كٸتاپتىڭ تۇساۋكەسەر رەسٸمٸنە ەلٸمٸزگە بەلگٸلٸ مەملەكەت جەنە قوعام قايراتكەرلەرٸ, تاريحشىلار جەنە زييالى قاۋىم ٶكٸلدەرٸ قاتىسادى.
ۇقساس جازبا:
