2018 jyldyń 31 qazany kúni saǵat 16:00-de Qazaqstan Respýblikasynyń Tuńǵysh Prezidenti – Elbasy kitaphanasynda álemge áigili tarihshy Rashid ad-Din Hamadanidiń tuńǵysh ret qazaq tiline aýdarylǵan «Jamiǵ at-taýarih» 5 tomdyǵynyń tusaýkeser rásimi ótedi.
Ǵulama ǵalym Rashid ad-din Fazlýllah Hamadanidiń 1316 jyly parsy tilinde jaryq kórgen «Jamiǵ at-taýarih» («Tarihtar jinaǵy») atty shyǵarmasy túpnusqadan tuńǵysh ret qazaq tiline tolyq aýdarylyp, oqyrman qaýymnyń nazaryna usynylyp otyr.
Bul kitapta Uly dalada ǵasyrlar boiy ómir súrip, tirshilik etken halyqtardyń paida bolýy, olardyń túrli taipalarǵa bólinýi, solardyń ishinen keiinnen qazaq halqynyń quramyna kirgen rý-taipalardyń shyǵý tegi, tarihy, ómirlik salt-dástúrleri, ata qonystary, bir-birimen qarym-qatynastary tolyq baiandalǵan.
Sondai-aq, osy taipalardyń arasynan shyqqan Uly qaǵan Shyńǵys hannyń ómirbaiany, shejiresi, onyń ata-babalarynyń, dańqty uldary men urpaqtarynyń tarihy, joryqtary, naqyl sózderi men ósietteri, olar bilik jasaǵan ýaqyttarynda oryn alǵan erekshe oqiǵalar jáne kórshiles elderdiń bileýshileriniń tarihy jazylǵan.
Rashid ad-dinniń «Jamiǵ at-taýarih» shyǵarmasy sol kezdegi Shyńǵys qaǵannyń muragerleri men kýágerlerdiń, shejireshi tarihshylardyń talqysy men kómegi arqyly bekitilgen birden-bir shynaiy túpnusqa derekkózi bolyp sanalady. Iaǵni, kitaptan Shyńǵys han jáne onyń urpaqtary týraly shynaiy málimettermen tanysýǵa bolady.
Shyǵarmany qazaq tiline tikelei aýdarǵan – arab, parsy tilderiniń bilgir mamany, Qazaqstan musylmandary Dini basqarmasy janyndaǵy Ǵulamalar keńesiniń múshesi, Ońtústik Qazaqstan memlekettik ýniversitetiniń «Túrkitaný» ǵylymi-zertteý ortalyǵynyń aǵa ǵylymi qyzmetkeri Záripbai Jumanuly Orazbai.
Týyndy Eýraziialyq Toptyń (ERG) qarjylai qoldaýymen jaryq kórdi.
Kitaptyń tusaýkeser rásimine elimizge belgili memleket jáne qoǵam qairatkerleri, tarihshylar jáne ziialy qaýym ókilderi qatysady.
Uqsas jazba:
