شىمكەنت تۇرعىندارى جول جٶندەۋگە شىقتى. قالا ەكٸمدٸگٸ شۇرىق-تەسٸك جولداردى تۇرعىنداردىڭ ٶزدەرٸ جٶندەپ جاتقان ۆيدەوعا قاتىستى تٷسٸنٸكتەمە بەردٸ, - دەپ حابارلايدى "حابار 24" ارناسى.
"قاينار بۇلاق" ساياجاي ماسسيۆٸندە تٷسٸرٸلگەن بەينەجازبا ەلەۋمەتتٸك جەلٸدە تاراعان بولاتىن.
بۇل جازبانى جەرگٸلٸكتٸ تۇرعىن سەرگەي فرولوۆ تٷسٸرگەن. ونىڭ سٶزٸنشە, جول ساپاسى ناشار بولعاندىقتان, كٶلٸك اپاتى جيٸ بولادى. حالىق ەكٸمدٸكتەن كٶمەك سۇراعان. بٸراق ۋەدەلەرٸن ۋاقىتىلى ورىنداماعاندىقتان, تۇرعىندار ونى ٶز قاراجاتىنا جاساۋعا شەشٸم قابىلداپتى.
"مىنا جەرگە ەكٸ قاپ قيىرشىق تاس ەكەلۋ قيىن ەمەس شىعار دەپ ويلايمىن. اسفالت دەگەن اتىمەن جوق. اقشا قاراستىرىلعان با, جوق پا? ناقتىسىن بٸلمەدٸم. بۇل ماڭدا قوزعالىس كٶپ. ەكٸمنٸڭ ورىنباسارى كەلٸپ, ٶزٸ كٶرٸپ كەتتٸ. سونىمەن بولدى, ەش شارۋا باستالعان ەمەس", - دەيدٸ تۇرعىن سەرگەي فرولوۆ.
قالالىق جولاۋشىلار كٶلٸگٸ جەنە اۆتوموبيل جولدارى باسقارماسىنداعىلار بۇل مەسەلەدەن حاباردار. قاينار بۇلاقتاعى جٶندەۋ جۇمىستارى ەندٸ تامىز ايىندا باستالادى دەپ سەندٸرٸپ وتىر.
"كٷتٸپ ۇستاۋ جۇمىستارىن ناۋرىز ايىنىڭ باسىندا باستاۋ كەرەك بولسا, بٸز سەۋٸر ايىنىڭ اياعىندا باستادىق. بٸر ايعا كەشٸگٸپ باستادىق. كەشەگٸ كٷننەن باستاپ, وسى قاينار بۇلاقتاعى كٶتەرٸلگەن مەسەلە بويىنشا مەردٸگەرگە تاپسىرما بەرٸلدٸ. سونىڭ نەگٸزٸندە جۇمىستار باستالدى. بٸزدٸڭ جوسپارىمىز بويىنشا تامىز ايىنىڭ 10-نا دەيٸن قاينار بۇلاقتا كەشٸلٸكتەر تولىعىمەن ورىندالادى", - دەيدٸ قالالىق جولاۋشىلار كٶلٸگٸ جەنە اۆتوموبيل جولدارى باسقارماسى باسشىنىڭ ورىنباسارى مادييار بايىمبەتوۆ.
