Shymkent turǵyndary jol jóndeýge shyqty. Qala ákimdigi shuryq-tesik joldardy turǵyndardyń ózderi jóndep jatqan videoǵa qatysty túsinikteme berdi, - dep habarlaidy "Habar 24" arnasy.
"Qainar bulaq" saiajai massivinde túsirilgen beinejazba áleýmettik jelide taraǵan bolatyn.
Bul jazbany jergilikti turǵyn Sergei Frolov túsirgen. Onyń sózinshe, jol sapasy nashar bolǵandyqtan, kólik apaty jii bolady. Halyq ákimdikten kómek suraǵan. Biraq ýádelerin ýaqytyly oryndamaǵandyqtan, turǵyndar ony óz qarajatyna jasaýǵa sheshim qabyldapty.
"Myna jerge eki qap qiyrshyq tas ákelý qiyn emes shyǵar dep oilaimyn. Asfalt degen atymen joq. Aqsha qarastyrylǵan ba, joq pa? Naqtysyn bilmedim. Bul mańda qozǵalys kóp. Ákimniń orynbasary kelip, ózi kórip ketti. Sonymen boldy, esh sharýa bastalǵan emes", - deidi turǵyn Sergei Frolov.
Qalalyq jolaýshylar kóligi jáne avtomobil joldary basqarmasyndaǵylar bul máseleden habardar. Qainar bulaqtaǵy jóndeý jumystary endi tamyz aiynda bastalady dep sendirip otyr.
"Kútip ustaý jumystaryn naýryz aiynyń basynda bastaý kerek bolsa, biz sáýir aiynyń aiaǵynda bastadyq. Bir aiǵa keshigip bastadyq. Keshegi kúnnen bastap, osy Qainar bulaqtaǵy kóterilgen másele boiynsha merdigerge tapsyrma berildi. Sonyń negizinde jumystar bastaldy. Bizdiń josparymyz boiynsha tamyz aiynyń 10-na deiin Qainar bulaqta keshilikter tolyǵymen oryndalady", - deidi qalalyq Jolaýshylar kóligi jáne avtomobil joldary basqarmasy basshynyń orynbasary Madiiar Baiymbetov.
