شىمكەنتتە كوروناۆيرۋس جۇقتىرىپ, 14 سەۋٸر كٷنٸ تاڭەرتەڭ قايتىس بولعان 58 جاستاعى ەر ادام كەشكە اباي اۋدانىنداعى «جٸبەك جولى» مۇسىلماندار زيراتىنا جەرلەندٸ. بۇل تۋرالى قالالىق مەشٸتتٸڭ باسپاسٶز حاتشىسى مۇحامەدجان ەستەمٸروۆ ايتتى.
ەستەمٸروۆتٸڭ سٶزٸنشە, مارقۇمنىڭ جانازاسىن زيرات باسىندا قۇرساي مەشٸتٸنٸڭ يمامى باۋىرجان بايجانوۆ 15 مەتر قاشىقتا تۇرىپ وقىعان. جانازاعا مارقۇمنىڭ بٸر تۋىسى مەن ٷش مامان قاتىسقان.
قالالىق تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ەبدٸماناپ تٷلەباەۆ جانازاعا جەنە جەرلەۋ رەسٸمٸنە قاتىسقاندار ٸندەتكە قاتىستى بارلىق قاۋٸپسٸزدٸك شارالارىن ساقتاعانىن ايتادى.
شىمكەنت قالاسى ەكٸمدٸگٸنٸڭ دەرەگٸنشە, قايتىس بولعان 58 جاستاعى ەر ادام – تٷركٸستان وبلىسى قازىعۇرت اۋدانى رابات اۋىلىنىڭ تۇرعىنى. 11 سەۋٸر كٷنٸ دەنە قىزۋى كٶتەرٸلٸپ, جۇقپالى اۋرۋلار اۋرۋحاناسىنا تٷسكەن. بۇعان دەيٸن ارتەرييالىق گيپەرتەنزييا اۋرۋىمەن اۋىرعان. 14 سەۋٸر كٷنٸ تاڭەرتەڭ جان ساقتاۋ بٶلٸمٸندە قايتىس بولعان. ونىمەن قارىم-قاتىناستا بولعان بالاسى وقشاۋلانعان.
قازىعۇرت اۋداندىق ەكٸمدٸگٸنٸڭ ٶكٸلٸ وراز قازىباەۆتىڭ ايتۋىنشا, مارقۇم بالاسىمەن بٸرگە قاراعاندى مەن نوۆوسٸبٸرگە جٷك تاسىعان. وسىدان بەس جىل بۇرىن ەيەلٸ قايتىس بولعان. كەيٸنگٸ جىلدارى شىمكەنتتەگٸ بالاسىمەن بٸرگە تۇرعان. اۋىلداعى ٷيٸندە ەشكٸم تۇرمايدى.
5 سەۋٸردە شىمكەنتتە كوروناۆيرۋستان 1964 جىلى تۋعان تٷركٸستان وبلىسى ماقتارال اۋدانى اتاكەنت اۋىلىنىڭ تۇرعىنى قايتىس بولعان ەدٸ. مارقۇم قالا شەتٸندەگٸ حريستيان زيراتىنا جەرلەنگەن.
شىمكەنتتە 39 ادامنان كوروناۆيرۋس تابىلدى. ەكٸ ناۋقاس دەرتتەن ايىقتى.
