فوتو: شىمكەنت تجد
شىمكەنتتە ەكٸ بالا قۇرىلىسى اياقتالماعان عيمارات جەرتٶلەسٸندە وت جاعىپ, سالدارىنان ٶرت شىعىپ, سىرتقا شىعا الماي قالعان. ولارعا قۇتقارۋشىلار كٶمەككە كەلٸپ, قايعىلى جاعدايدىڭ الدىن الدى, - دەپ حابارلايدى Tengrinews.kz اگەنتتٸگٸ.
وقيعا 10 مامىردا كەشكٸ ۋاقىتتا بولعان.
قۇتقارۋشىلاردىڭ ايتۋىنشا, 11 جەنە 12 جاستاعى ەكٸ بالا قۇرىلىسى اياقتالماعان عيمارات جەرتٶلەسٸندەگٸ قوقىستاردى ٶرتەپ, ول جەردەن شىعا الماعاندىقتان تۇنشىعىپ قالا جازداعان. بالالاردىڭ بٸرٸندە ۇيالى تەلەفون بولعان, ول ٶرتسٶندٸرۋشٸلەردٸ شاقىرعان.
بۇل ۋاقىتتا "112" قىزمەتكەرلەرٸ قۇتقارۋشىلارمەن بايلانىستا بولعان. وپەراتورلار بولسا, قۇتقارۋشىلار وقيعا ورنىنا جەتكەنشە بالالارعا تٷتٸننەن قورعانۋ جولدارىن ايتىپ, كٶمەكتەسكەن. بۇل كەزدە بالالاردىڭ بٸرٸ ەس-تٷسسٸز جاتقان ەدٸ.
"قۇتقارۋشىلار تٷتٸن باسقان جەرتٶلەگە كٸرٸپ, بالالاردى ارنايى تىنىس الۋ اپپاراتىنا قوسىپ, قاۋٸپسٸز جەرگە اپارىپ, اپاتتار مەديتسيناسى ورتالىعى فيليالىنىڭ قىزمەتكەرلەرٸنە تاپسىردى", - دەدٸ شىمكەنت قالاسى تٶتەنشە جاعدايلار دەپارتامەنتٸنٸڭ قوعاممەن بايلانىس توبى ٶكٸلەرٸ.
قۇتقارۋشىلار مەلٸمەتٸنشە, ٶرت ساعات 19.12-دە وقشاۋلانىپ, ساعات 19.31-دە تولىعىمەن سٶندٸرٸلگەن. ٶرت ٷي-جايدىڭ التى شارشى مەترٸن شارپىعان.
