Foto: Shymkent TJD
Shymkentte eki bala qurylysy aiaqtalmaǵan ǵimarat jertólesinde ot jaǵyp, saldarynan órt shyǵyp, syrtqa shyǵa almai qalǵan. Olarǵa qutqarýshylar kómekke kelip, qaiǵyly jaǵdaidyń aldyn aldy, - dep habarlaidy Tengrinews.kz agenttigi.
Oqiǵa 10 mamyrda keshki ýaqytta bolǵan.
Qutqarýshylardyń aitýynsha, 11 jáne 12 jastaǵy eki bala qurylysy aiaqtalmaǵan ǵimarat jertólesindegi qoqystardy órtep, ol jerden shyǵa almaǵandyqtan tunshyǵyp qala jazdaǵan. Balalardyń birinde uialy telefon bolǵan, ol órtsóndirýshilerdi shaqyrǵan.
Bul ýaqytta "112" qyzmetkerleri qutqarýshylarmen bailanysta bolǵan. Operatorlar bolsa, qutqarýshylar oqiǵa ornyna jetkenshe balalarǵa tútinnen qorǵaný joldaryn aityp, kómektesken. Bul kezde balalardyń biri es-tússiz jatqan edi.
"Qutqarýshylar tútin basqan jertólege kirip, balalardy arnaiy tynys alý apparatyna qosyp, qaýipsiz jerge aparyp, Apattar meditsinasy ortalyǵy filialynyń qyzmetkerlerine tapsyrdy", - dedi Shymkent qalasy Tótenshe jaǵdailar departamentiniń qoǵammen bailanys toby ókileri.
Qutqarýshylar málimetinshe, órt saǵat 19.12-de oqshaýlanyp, saǵat 19.31-de tolyǵymen sóndirilgen. Órt úi-jaidyń alty sharshy metrin sharpyǵan.
