شىمكەنتتە كومەندانتتىق ساعاتتى بۇزعان 33 قۇقىق بۇزۋشى ەكٸمشٸلٸك جاۋاپكەرشٸلٸككە تارتىلدى. ونىڭ ٸشٸندە 25 قۇقىق بۇزۋشى قاماۋعا الىندى, دەپ حابارلايدى قازاقپارات.
قالادا قىلمىسكەرلەردٸ انىقتاۋ ماقساتىندا ەكسترەميزم جەنە كٶشٸ-قون جەلٸسٸ بويىنشا جەدەل-ٸزدەستٸرۋ ٸس-شارالارى جٷرگٸزٸلۋدە. بلوك بەكەتتەردە 7000-نان استام اۆتوكٶلٸك تەكسەرٸلگەن. نەتيجەسٸندە جاپپاي تەرتٸپسٸزدٸككە قاتىستى دەگەن كٷدٸكپەن 8 ازامات ۇستالدى.
«كٷدٸكتٸلەردەن 6 پاترونى بار 16-مم كاليبرلٸ تۇمسىعى كەسٸلگەن قارۋ, 5 جاۋىنگەرلٸك پاترونى بار 9-مم جاۋىنگەرلٸك كاليبرگە قايتا جاسالعان 1 تراۆماتيكالىق تاپانشا, 7,62-مم كاليبرلٸ 67 جاۋىنگەرلٸك پاترون جەنە 5,45-مم كاليبرلٸ 3 جاۋىنگەرلٸك پاترون تەركٸلەندٸ. سونداي-اق, تەرتٸپسٸزدٸكتەر كەزٸندە الماتى وبلىسىنىڭ «اپورت« ساۋدا ورتالىعىنان ۇرلانعان 23 دانا «ايفون 11-پرو« جەنە 3 دانا «سامسۋنگ ا-25« ماركالى جاڭا ۇيالى تەلەفوندار تەركٸلەندٸ. بارلىق قوزعالعان قىلمىستىق ٸستەر بويىنشا جاپپاي تەرتٸپسٸزدٸكتەردٸڭ 52 قاتىسۋشىسى ۋاقىتشا ۇستاۋ يزولياتورىنا قامالدى», - دەدٸ شىمكەنت قالاسى پوليتسييا دەپارتامەنتٸنٸڭ باستىعى, گەنەرال مايور ەرالى جۇماحانبەتوۆ.
قالادا جاپپاي تەرتٸپسٸزدٸك ورىن العاننان بەرٸ پوليتسيياعا 2716 ادام جەتكٸزٸلگەن. 177 ازامات ەكٸمشٸلٸك جاۋاپكەرشٸلٸككە تارتىلسا, ولاردىڭ 175-ٸ 15 تەۋلٸككە قامالىپ, 2 ادامعا ايىپپۇل سالىنعان.
قازٸرگٸ تاڭدا شىمكەنت قالاسىندا جاعداي تۇراقتى. قالانىڭ تىنىس-تٸرشٸلٸگٸن قالپىنا كەلتٸرۋ ماقساتىندا پوليتسييانىڭ قارۋلى كٷزەتٸنٸڭ سٷيەمەلدەۋٸمەن «حالىق», «جۋسان», «كاسپي» بانكتەرٸنٸڭ بانكوماتتارى تولتىرىلۋدا.
پوليتسييا دەپارتامەنتٸنٸڭ ەسكەري بٶلٸمدەرٸ تٶتەنشە جاعدايلار جٶنٸندەگٸ دەپارتامەنتتٸڭ كٷشتەرٸمەن بٸرلەسٸپ كٷشەيتٸلگەن رەجيمدە جۇمىس ٸستەۋدە. قالا شەكاراسىندا بۇعاتتاۋ بەكەتتەرٸ قويىلىپ, كومەندانتتىق ساعات ورناتىلدى. ستراتەگييالىق نىسانداردى كٷزەتۋ كٷشەيتٸلگەن.
