شىمكەنتتە ەسكەري بٶلٸمنەن قارۋ-جاراق ۇرلاپ ساتقان ساربازعا قاتىستى ٷكٸم شىقتى. سوت باستى ايىپتالۋشىنى 10 جىلعا باس بوستاندىعىنان ايىردى, دەپ حابارلايدى "ۇلت اقپارات".
بۇدان بٶلەك سوت ٷكٸمٸ ونىمەن سىبايلاس بولدى دەگەن ٶزگە دە ايىپتالۋشىلارعا شىقتى. ولاردىڭ ەكەۋٸ, ياعني قارۋ ۇرلاۋعا كٶمەكتەسكەن سوتتالۋشىنىڭ اۋىلداستارى ەندٸ الداعى 8 جىلىن تەمٸر توردا ٶتكٸزەدٸ. تاعى بٸرٸ - 5 جىلعا, ٷشەۋٸ ٷش جىلعا سوتتالدى.
ايىپتى دەپ تانىلعان سەگٸزٸنشٸ ازامات سوت زالىنان بوساتىلدى. قىلمىسقا سىبايلاس بولعان ەكٸنشٸ كۋرس ستۋدەنتٸ بەكجان سانجار مەملەكەتكە 500 اەك ياعني, 1 ملن تەڭگە ايىپپۇل تٶلەيتٸن بولدى. بٸراق, قىلمىستىق ٸستٸڭ باس تۇلعاسى دەپ تانىلعان ابىلاي بالعىنباي اتالعان جازامەن كەلٸسپەيدٸ.
ەسكە سالا كەتەيٸك, ول بۇعان دەيٸن ۇرلىققا كومانديرٸنٸڭ بۇيرىعىمەن بارعانىن ايتقان ەدٸ. ال, سوت ٷكٸمٸ 10 كٷننەن كەيٸن كٷشٸنە ەنەدٸ. ساربازدى ۇستاۋ وپەراتسيياسىن ٸٸم مەن ۇقك ارنايى جەدەل توبى بٸرٸگٸپ جٷرگٸزگەن. ەلەۋمەتتٸك جەلٸلەردە ابىلاي بالعىنباي ەسٸمدٸ ساربازدىڭ ورداباسى اۋدانى بادام ستانتسيياسى ماڭىنداعى ەسكەري بٶلٸمنەن 30 اك-74 اۆتوماتىن, 27 پم تاپانشاسىن, 400 دانا 5,45 وعىن الىپ قاشقانى تۋرالى اقپارات تاراعان.
