شىمكەنت قالاسىنىڭ ەكٸمٸ مۇرات ەيتەنوۆ شىمكەنت قالاسىنىڭ شەتٸندە جاڭا تەمٸرجول ۆوكزالى سالىناتىنىن مەلٸم ەتتٸ. ەكٸمنٸڭ ايتۋىنشا بۇل ماقساتتا قازٸر تەندەر ٶتكٸزٸلٸپ جاتىر, دەپ حابارلايدى قازاقپارات.
«بيىل تەمٸرجول ۆوكزالىن «قتج»-دان قابىلداپ الدىق. دەسە دە بۇل ۆوكزال حالقىنىڭ سانى ٶسٸپ بارا جاتقان شىمكەنتكە لايىق ەمەس. سول ٷشٸن قتج-دا ارنايى جوبالىق-سمەتالىق قۇجات جاسالدى. ونىڭ كٷردەلٸ جٶندەۋٸ مەن كٶركەيۋۋٸنە 6,2 ملرد تەڭگە قاجەت. بٸز قازٸر جوسپار قۇرىپ وتىرمىز. قالا جوسپارى بويىنشا شاھاردىڭ سولتٷستٸك باعىتىنا زامانعا ساي جاڭا تەمٸرجول ۆوكزالى سالىنۋى كەرەك. سٶيتٸپ, تەمٸرجولدى قالادان شىعارىپ, بوزارىق ەلدٸمەكەنٸ جاعىنان جاڭا نىسان بوي كٶتەرۋٸ تيٸس», - دەدٸ مۇرات ەيتەنوۆ وكق-دا ٶتكەن باسپاسٶز مەسليحاتىندا.
شىمكەنت قالاسىنىڭ ەكٸمٸ بۇل ماقساتتا قازٸر تەندەر ٶتكٸزٸلٸپ جاتىر.
«تەندەر اياقتالىپ, جەڭٸمپاز ايقىندالۋى كەرەك. ەگەر جاڭا تەمٸرجول ۆوكزالى سالىنسا, قازٸرگٸ ۆوكزالعا تەك جٶندەۋ جٷرگٸزٸپ, ونى ٶزٸنٸڭ تالاپتارىنا ساي كەلتٸرەمٸز. سوندىقتان قازٸرگٸ ۆوكزالعا كٷردەلٸ جٶندەۋ جٷرگٸزۋدٸڭ ورنىنا اعىمداعى جٶندەۋ جۇمىستارىن جٷرگٸزدٸك. الداعى جارتى جىلدا ناقتى شەشٸم قابىلدانادى», - دەدٸ ول.
