Shymkent qalasynyń ákimi Murat Áitenov Shymkent qalasynyń shetinde jańa temirjol vokzaly salynatynyn málim etti. Ákimniń aitýynsha bul maqsatta qazir tender ótkizilip jatyr, dep habarlaidy QazAqparat.
«Biyl temirjol vokzalyn «QTJ»-dan qabyldap aldyq. Dese de bul vokzal halqynyń sany ósip bara jatqan Shymkentke laiyq emes. Sol úshin QTJ-da arnaiy jobalyq-smetalyq qujat jasaldy. Onyń kúrdeli jóndeýi men kórkeiýýine 6,2 mlrd teńge qajet. Biz qazir jospar quryp otyrmyz. Qala jospary boiynsha shahardyń soltústik baǵytyna zamanǵa sai jańa temirjol vokzaly salynýy kerek. Sóitip, temirjoldy qaladan shyǵaryp, Bozaryq eldimekeni jaǵynan jańa nysan boi kóterýi tiis», - dedi Murat Áitenov OKQ-da ótken baspasóz máslihatynda.
Shymkent qalasynyń ákimi bul maqsatta qazir tender ótkizilip jatyr.
«Tender aiaqtalyp, jeńimpaz aiqyndalýy kerek. Eger jańa temirjol vokzaly salynsa, qazirgi vokzalǵa tek jóndeý júrgizip, ony óziniń talaptaryna sai keltiremiz. Sondyqtan qazirgi vokzalǵa kúrdeli jóndeý júrgizýdiń ornyna aǵymdaǵy jóndeý jumystaryn júrgizdik. Aldaǵy jarty jylda naqty sheshim qabyldanady», - dedi ol.
