«نۇر وتان» پارتيياسى تٶراعاسىنىڭ بٸرٸنشٸ ورىنباسارى ارنايى ساپارمەن سينگاپۋردە بولدى. وندا قازاقستاندىق پارتييا ٶكٸلدەرٸ بٸرقاتار كەزدەسۋلەر ٶتكٸزٸپ, كەلٸسسٶزدەر جٷرگٸزدٸ, دەپ حابارلايدى "ۇلت اقپارات".
اتاپ ايتقاندا, مۇحتار قۇل-مۇحاممەد حالىقتىق ٸس-ەرەكەت پارتيياسىنىڭ باس حاتشىسى, سينگاپۋردٸڭ پرەمەر-مينيسترٸ لي سيان لۋنمەن, وسى پارتييانىڭ تٶراعاسى كحو بۋن ۆانمەن, پارلامەنت سپيكەرٸ حاليما ياكۋبپەن جەنە لي كۋان يۋ اتىنداعى مەملەكەتتٸك ساياسات مەكتەبٸنٸڭ رەكتورى كيشورە ماحبۋبانيمەن كەزدەستٸ. سونداي-اق, نۇروتاندىق دەلەگاتسييا نانيان تەحنولوگييالىق ۋنيۆەرسيتەتٸنٸڭ روبوتتار جاسايتىن عىلىمي-زەرتتەۋ ورتالىعىندا بولىپ, جۇمىسىمەن تانىستى.
مۇحتار قۇل-مۇحاممەد ەكٸ ەل اراسىنداعى ىنتىماقتاستىقتىڭ نىعايۋىندا قازاقستان پرەزيدەنتٸ نۇرسۇلتان نازارباەۆ پەن سينگاپۋر پرەمەر-مينيسترٸ لي كۋان يۋدٸڭ رولٸ ەرەكشە ەكەنٸن ايتىپ: «سينگاپۋر مەملەكەتٸنٸڭ نەگٸزٸن سالۋشى لي كۋان يۋ بٸرنەشە رەت قازاقستاندا بولىپ, بٸزدٸڭ ەلباسىمىز تۋرالى ٶتە جوعارى پٸكٸردە بولدى. مۇنداي ٷردٸس ساياساتكەرلەردٸڭ بٷگٸنگٸ بۋىنىنان دا بايقالادى. بۇل ەلدٸڭ تابىسىن باتىستىڭ ەڭ دامىعان ەلدەرٸ ەلدەقاشان مويىنداپ, بٷگٸندە سينگاپۋردەن ٷيرەنۋدە. ەلدەگٸ ساياسي تۇراقتىلىق پەن ەكونوميكالىق رەفورمانىڭ تابىستى جٷرگٸزٸلۋٸنە حالىقتىق ٸس-ەرەكەت پارتيياسىنىڭ قوسقان ٷلەسٸ زور. بٸز باتىسقا قاراپ باس شۇلعي بەرمەي وسىنداي ازييالىق, شىعىستىق دەستٷردەگٸ پارتييالاردان دا ٷيرەنۋٸمٸز كەرەك. سول ٷشٸن «نۇر وتان» سينگاپۋرلىق ەرٸپتەستەرٸمەن جان-جاقتى قارىم-قاتىناس ورناتۋدى باستاپ كەتتٸ», – دەدٸ.
باتىس اقش-قا قاراپ باس شۇلعيدى, ال ترامپ كەلگەلٸ ونىڭ جاعدايى نە بولعانىن بەرٸمٸز كٶرٸپ وتىرمىز. سوندىقتان كەزٸندە الاش ارىستارى ٷلگٸ ەتكەن كەشەگٸ جاپونييا, بٷگٸنگٸ سينگاپۋر سيياقتى ٶرەن جٷيرٸك مەملەكەتتەردەن ٷيرەنگەنٸمٸز جٶن. ٶز بىلىعىنا بەلشەسٸنەن باتقان رەسەي ەمەس, ماعجان ايتقان كٷنشىعىسقا قاراي بەت بۇرۋىمىز كەرەك.
