شىعىس قازاقستاننىڭ كٷرشٸم اۋدانىندا ۋربانيزاتسييا ٷردٸستەرٸنە قارسى شارالار قولعا الىنعان. شالعايدا جاتقان شەكارالىق اۋداندارىنىڭ بٸرٸ سانالاتىن كٷرشٸمدە جەرگٸلٸكتٸ حالىقتى تۇراقتاندىرۋ جولىندا جاسالىپ جاتقان جۇمىستار جايلى اۋدان ەكٸمٸ سەيسەنعازى چۋكاەۆ شقو ايماقتىق كوممۋنيكاتسييالار قىزمەتٸندە ٶتكەن باسپاسٶز ماسليحاتىندا ايتىپ بەردٸ.
سەيسەنعازى چۋكاەۆتىڭ ايتۋىنشا, 2020 جىلعا دەيٸن ٶڭٸرلەردٸ دامىتۋ باعدارلاماسى بويىنشا اۋداننىڭ 8 ەلدٸ مەكەنٸن تازا اۋىز سۋمەن قامتاماسىز ەتۋ ٷشٸن 2130 مەتر جەرگە سۋ قۇبىرى تارتىلىپ, 8 قۇدىق, 2 سۋ سورعى ورناتىلعان. ال بوران اۋىلىندا, رەسپۋبليكالىق بيۋدجەت ەسەبٸنەن, ۇزىندىعى 33,3 كم سۋ قۇبىرى جەلٸسٸ سالىنىپ جاتىر. قازٸرگٸ ۋاقىتتا قۇرىلىستا 14 ادام جۇمىسپەن قامتىلعان. سۋ قۇبىرى جٷيەسٸ بيىل پايدالانۋعا بەرٸلٸپ, 19 ادام تۇراقتى جۇمىسپەن قامتىلادى دەپ كٷتٸلۋدە. جالپى 2017 جىلى اۋدان كٶلەمٸندە قاۋٸپسٸز اۋىز سۋمەن 21 ەلدٸ مەكەن قامتىلعان.
اۋدان حالقىن جۇمىسپەن قامتۋ مەسەلەسٸنە دە جٸتٸ مەن بەرٸلگەن. كەسٸپكەرلەردٸ قولداۋ كارتاسى اياسىندا «گرك ملد» جشس-نٸڭ «قارشىعا» مىس كەن ورنىندا كەن بايىتۋ كەشەنٸن اشۋ جوسپارلانىپ وتىر. 2018 -2024 جىلدار ارالىعىندا كەن ٶندەۋ باستالسا, جٷزدەگەن جۇمىس ورىنى اشىلارى انىق. سونىمەن قاتار, 2017 جىلى جۇمىسى توقتاپ قالعان بۇقتىرما بالىق ٶسٸرۋ جەنە ۋىلدىرىق شاشۋ شارۋاشىلىعى اقمول حولدينگ كومپانيياسىمەن بٸرلەسٸپ شارۋاشىلىعىن قايتا جانداندىردى. بٷگٸنگٸ كٷنٸ كەسٸپورىندا 47 ادام جۇمىس ٸستەيدٸ.
نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017 – 2021 جىلدارعا ارنالعان باعدارلاماسى اياسىندا دا جاڭا جۇمىس ورىندارى اشىلىپ, مەملەكەتتەن كٶتەرمە اقى الىپ شارۋاسىن دٶڭگەلەنتٸپ وتىرعاندار جەتكٸلٸكتٸ.
- شەكارالىق ەلدٸ مەكەندەر مەسەلەسٸنە بەيجاي قاراۋعا بولمايدى. بٸزدٸڭ اۋدان شالعايدا جاتىر. مۇندا حالىقتى تۇراقتاندىرىپ قالۋ ماڭىزدى مەسەلە. ەرينە, قالالىق جەرگە قونىس اۋدارعىسى كەلەتٸندەر بولادى. بٸز سول ٷشٸن اۋىلدا تۇرىپ جاتقان حالىققا بارلىق جاعدايدى جاساۋىمىز كەرەك, -دەدٸ اۋدان ەكٸمٸ.
جەرگٸلٸكتٸ حالىقتى تۇراقتاندىرىپ قالۋ مەسەلەسٸمەن قاتار, اۋداندا باسقا ايماقتاردان كٶشٸپ كەلگەن وتباسىلارمەن حالىق سانىن ارتتىرۋ دا جٷزەگە اسىرىلۋدا. مەسەلەن, ٶتكەن جىلى كٷرشٸمگە قۇرامىندا 76 ادام بار 23 ورالمان وتباسى جەنە ەڭبەك كٷشٸ ارتىق ٶڭٸردەن 1 وتباسى كٶشٸپ كەلگەن. ولارعا جولاقى سۋبسيديياسى جەنە جالعا بەرۋ كوممۋنالدىق قىزمەت تٶلەۋ شىعىندارى بەرٸلگەن.
