پەشتٸ پايدالانۋ كەزٸندە ٶرت قاۋٸپسٸزدٸگٸ ەرەجەلەرٸن ساقتاماۋ جازاتايىم وقيعاعا ەكەپ سوقتى, دەپ حابارلايدى "ۇلت اقپارات" تٶتەنشە جاعدايلار مينيسترلٸگٸنە سٸلتەمە جاساپ.
"8 ناۋرىزدا شىعىس قازاقستان وبلىسى ۇلان اۋدانىندا تۇرعىن ٷيدەن 1950 جىلى تۋعان ەيەلدٸڭ ٶلٸ دەنەسٸ تابىلدى, سونداي-اق ونىڭ 1973 جىلى تۋعان ۇلى كٶمٸرتەگٸ توتىعىمەن ۋلانۋ بەلگٸلەرٸمەن بٸرٸنشٸ قالالىق اۋرۋحاناعا جەتكٸزٸلدٸ", – دەپ حابارلادى ۆەدومستۆو.
تجم ايتۋىنشا, قايعىلى جاعدايعا پەشتٸ جىلىتۋ كەزٸندە ٶرت قاۋٸپسٸزدٸگٸ تالاپتارىن ساقتاماۋ, اتاپ ايتقاندا تٷتٸن شىعاتىن مۇرجانى تازالاماۋ سەبەپ بولعان.
10 ناۋرىزدا شەمونايحا اۋدانىندا وسىعان ۇقساس وقيعا بولدى. كامىشەنكا اۋىلىندا 1965 جىلى تۋعان ەيەل مەن ونىڭ 1989 جىلى تۋعان ۇلى ٷيدە كٶمٸرتەگٸ توتىعىمەن ۋلانىپ قايتىس بولدى. 1986 جىلى تۋعان ەكٸنشٸ ۇلى اۋىر ھەلدە اۋرۋحاناعا جاتقىزىلدى.
وعان دا پەش تٷتٸنٸ سەبەپ بولعان.
