Peshti paidalaný kezinde órt qaýipsizdigi erejelerin saqtamaý jazataiym oqiǵaǵa ákep soqty, dep habarlaidy "Ult aqparat" Tótenshe jaǵdailar ministrligine silteme jasap.
"8 naýryzda Shyǵys Qazaqstan oblysy Ulan aýdanynda turǵyn úiden 1950 jyly týǵan áieldiń óli denesi tabyldy, sondai-aq onyń 1973 jyly týǵan uly kómirtegi totyǵymen ýlaný belgilerimen birinshi qalalyq aýrýhanaǵa jetkizildi", – dep habarlady vedomstvo.
TJM aitýynsha, qaiǵyly jaǵdaiǵa peshti jylytý kezinde órt qaýipsizdigi talaptaryn saqtamaý, atap aitqanda tútin shyǵatyn murjany tazalamaý sebep bolǵan.
10 naýryzda Shemonaiha aýdanynda osyǵan uqsas oqiǵa boldy. Kamyshenka aýylynda 1965 jyly týǵan áiel men onyń 1989 jyly týǵan uly úide kómirtegi totyǵymen ýlanyp qaitys boldy. 1986 jyly týǵan ekinshi uly aýyr hálde aýrýhanaǵa jatqyzyldy.
Oǵan da pesh tútini sebep bolǵan.
