فوتو: سەنات باسپاسٶز قىزمەتٸ
ەلٸمٸزدە شىعارماشىلىق سۋبەكتٸلەرٸ ەندٸ بٸرىڭعاي سالىقتى عانا تٶلەيدٸ. بۇل تۋرالى مەدەنيەت جەنە اقپارات مينيسترٸ ايدا بالاەۆا Facebook پاراقشاسىندا جازدى.
«مەملەكەت باسشىسىنىڭ كرەاتيۆتٸ يندۋسترييانى دامىتۋ جٶنٸندەگٸ تاپسىرماسىن ورىنداۋ ماقساتىندا ۇلتتىق ەكونوميكا جەنە قارجى مينيسترلٸكتەرٸمەن بٸرگە كەشەندٸ جۇمىس جٷرگٸزدٸك. نەگٸزگٸ ماقساتىمىز شىعارماشىلىق سۋبەكتٸلەرٸنە سالىقتى جەڭٸلدەتۋ بولاتىن.
وسى كەشەندٸ جۇمىستىڭ نەتيجەسٸندە ٷكٸمەت (قر ٷق #1240 29.12.2023ج.) قاۋلى قابىلدادى. قاۋلىعا سەيكەس 40 قىزمەت تٷرٸ ارنايى بٶلشەك سالىق رەجيمٸنە ٶتتٸ. بۇل دەگەنٸمٸز بيزنەس كتس, جەكە تابىس سالىعى, ققس تٶلەۋدەن بوساتىلعانىن بٸلدٸرەدٸ. اتالعان قىزمەت تٷرلەرٸمەن اينالىساتىن سۋبەكتٸلەر ەندٸ بٸرىڭعاي سالىقتى عانا تٶلەيدٸ. بۇل جەكە كەسٸپكەرلەر ٷشٸن 2 پايىزدان 4 پايىزعا دەيٸن, جشس ٷشٸن 8 پايىزعا دەيٸن بولادى. تەك كومپانييانىڭ جىلدىق اينالىمى 2,2 ميلليارد تەڭگەدەن اسپاۋى, ال شتاتتا 200 ادامنان كٶپ بولماۋى قاجەت», — دەدٸ مينيستر.
ونىڭ اتاپ ٶتۋٸنشە, سالىقتى جەڭٸلدەتۋ كينو, بەينەكونتەنت پەن تەلەباعدارلامالاردى ٶندٸرۋگە جەنە ودان كەيٸنگٸ ٶندٸرٸسكە, مۋزىكالىق شىعارمالارعا دىبىس جازۋ مەن باسىپ شىعارۋعا, تەاتر جەنە مۋزەي ٶنەرٸنە, سەۋلەت جەنە ديزاينعا, قولٶنەر بۇيىمدارىنا, حالىق شىعارماشىلىعىنا جەنە كەدەسىيلار ٶندٸرٸسٸنە ەسەر ەتەدٸ.
«وسى قولداۋ شاراسىن ەزٸرلەۋ بارىسىندا حالىقارالىق تەجٸريبەنٸ مۇقييات تالداعانىمىزدى اتاپ ٶتكٸم كەلەدٸ. ەڭ وزىق ەلدەردٸڭ (ۇلىبريتانييا, گەرمانييا, وڭتٷستٸك كورەيا) تەجٸريبەسٸ كرەاتيۆتٸ يندۋسترييانى دامىتۋ ٷشٸن سالىقتى جەڭٸلدەتۋگە ەرەكشە مەن بەرۋ كەرەكتٸگٸن كٶرسەتەدٸ. اتالعان جۇمىس سالانى اۋقىمدى دامىتۋعا باعىتتالعان العاشقى قادامداردىڭ بٸرٸ. بۇل وسى سالاداعى يگٸلٸكتٸ باستامالاردىڭ بٸرٸ دەپ بٸلەمٸز», — دەپ اتاپ ٶتەدٸ ايدا بالاەۆا.
