شۆەيتسارييا مەن ٶزبەكستان كەلٸسٸمگە قول قويىپ, وعان سەيكەس گٷلنارا كاريموۆانىڭ شۆەيتسارييا بانكتەرٸندەگٸ ەسەپشوتتا قالعان 131 ميلليون دوللارى ٶزبەك جاعىنا قايتارىلادى. بۇل تۋرالى شۆەيتسارييا ٷكٸمەتٸنٸڭ حابارلاماسىندا ايتىلادى.
كەلٸسٸم تالاپتارىنا سەيكەس, تاشكەنت قايتارىلعان اقشانى قالاي جۇمساعانىن اشىق جارييالاپ, ەسەپ بەرٸپ وتىرۋى تيٸس, اكتيۆتەر "حالىقتىڭ جاعدايىن جاقسارتاتىن", ەلدٸڭ تۇراقتى دامۋىن قامتاماسىز ەتەتٸن جوبالارعا جۇمساۋى تيٸس.
گٷلنارا كاريموۆانىڭ ٷستٸنەن قوزعالعان قىلمىستىق ٸس اياسىندا تاعى 715 ميلليون دوللار بۇعاتتاۋلى كٷيدە قالعان. بۇل قارجى دا الدىڭعى شارتپەن ٶزبەكستانعا قايتارىلۋى مٷمكٸن. قاڭتار ايىندا ٶزبەكستان باس پروكۋراتۋراسى كاريموۆا ٸسٸ اياسىندا شۆەيتساريياعا 70 ٶنەر تۋىندىسىن قايتاراتىنىن مەلٸمدەگەن.
ٶزبەكستاندا كاريموۆا "اقشا جىمقىرۋ" جەنە "بوپسالاۋ" باپتارى بويىنشا سوتتالعان. 2012 جىلى شۆەيتسارييانىڭ فەدەرالدىق پروكۋراتۋراسى قىلمىستىق ٸسكە بايلانىستى كاريموۆانىڭ شامامەن 879 ميلليون دوللارىن بۇعاتتاعان ەدٸ. بىلتىر بۇل سومانىڭ 131 ميلليون دوللارى كەمپەسكەلەنگەن بولاتىن.
بيىل مامىر ايىندا فرانتسييا ٶزبەكستانعا كاريموۆانىڭ 10 ميلليون دوللارىن قايتارعان. بۇل قاراجات ٶزبەكستاننىڭ مەملەكەتتٸك بيۋدجەتٸنە اۋدارىلعان جەنە جالپى ماقساتتا جۇمسالىپ جاتىر.
ٶزبەكستان بيلٸگٸ اكتيۆتٸ قايتارۋ بويىنشا شۆەيتسارييا, اقش, فرانتسييا, رەسەي فەدەراتسيياسى جەنە ٶزگە ەلدەردٸڭ قۇزىرلى ورگاندارىمەن جۇمىس ٸستەپ جاتىر. اقپارات بويىنشا, مەسەلە كاريموۆانىڭ 1,3 ميلليارد دوللار اكتيۆٸ جايلى بولىپ وتىر.
ٶزبەكستاننىڭ بٸرٸنشٸ پرەزيدەنتٸ يسلام كاريموۆ قايتىس بولعاننان كەيٸن 2017 جىلى قىزى گٷلنارا كاريموۆا ٶزبەكستاندا 10 جىلعا باس بوستاندىعىنان ايىرىلعان بولاتىن. وعان "سالىقتان جالتاردى", "قارجى جىمقىردى", "بوپسالادى", "وفشور كومپانيياسىنىڭ قۇجاتتارىن جويدى" دەگەپ ايىپ تاعىلدى. اقش پەن ەۋروداقتىڭ بٸرنەشە ەلٸ كاريموۆانى قارجى جىمقىردى دەپ ايىپتاعاننان كەيٸن ٶزبەكستاندا ەكس-پرەزيدەنتتٸڭ قىزىنىڭ ٷستٸنەن ٸس قوزعالعان.
كاريموۆاعا العاش رەت سوت ٷكٸمٸ شىققاننان كەيٸن ول بٸراز ۋاقىت ٷيقاماقتا وتىردى, بٸراق 2019 جىلى ناۋرىزدا "ٷيقاماق ەرەجەسٸن بۇزدى" دەپ ايىپتالىپ, تاشكەنت وبلىسىنداعى تٷرمەگە جٸبەرٸلدٸ. كاريموۆا مەن ونىڭ قىزى بۇل ايىپتاردى جوققا شىعاردى. وسىدان سوڭ كاريموۆانىڭ ٷستٸنەن ەكٸنشٸ قىلمىستىق ٸس قوزعالعان.
ٷشٸنشٸ قىلمىستىق ٸس بويىنشا ول 13 جىل 4 ايعا بوستاندىعىنان ايرىلعان. كاريموۆاعا جەنە ونىمەن بٸرگە سوتتالعان تاعى بٸرنەشە ادامعا "قىلمىستىق قاۋىمداستىق قۇرىپ, اقشا بوپسالاۋ, بيۋدجەت قارجىسىن جىمقىرۋ, قىلمىستىق جولمەن الىنعان قارجىنى زاڭداستىرۋمەن بايلانىستى قىلمىس جاسادى" دەگەن ايىپتار تاعىلدى.
