فوتو: © AP Photo / Joe Coomber /
قىرعىزستاننىڭ سىرتقى ٸستەر مينيسترلٸگٸ استانادا قىرعىزستاندىقتى سوققىعا جىعۋ وقيعاسى بويىنشا ٸستٸ باقىلاۋعا الدى. بۇل تۋرالى اتالعان ۆەدومستۆو مەلٸم ەتتٸ, دەپ حابارلايدى كابار اگەنتتٸگٸ.
مينيسترلٸك تاراتقان اقپاراتقا سەيكەس, 18 ماۋسىمدا استاناداعى "MEGA Silk Way" ساۋدا ويىن-ساۋىق ورتالىعىندا قىرعىزستان مەن قازاقستان ازاماتى اراسىندا جانجال تۋىنداعان. سالدارىنان قىرعىزستاندىققا كٷش قولدانىلعان.
"2023 جىلى 13 شٸلدە كٷنٸ جەبٸرلەنۋشٸ ك.ا. قىرعىز رەسپۋبليكاسىنىڭ قازاقcتانداعى ەلشٸلٸگٸنە شاقىرىلدى. ەلشٸ د.ديۋشەكەەۆپەن بولعان كەزدەسۋ كەزٸندە قاجەتتٸ قۇقىقتىق كٶمەك ۇسىنىلدى. قازٸرگٸ كەزدە وسى وقيعا بويىنشا قازاقستان رەسپۋبليكاسىنىڭ قۇقىق قورعاۋ ورگاندارى قاجەتتٸ پروتسەسسۋالدىق شارالاردى اتقارىپ جاتىر. بۇل مەسەلە مينيسترلٸكتٸڭ باقىلاۋىنا الىندى", - دەلٸنگەن رەسمي حابارلامادا.
ايتا كەتەيٸك, بۇعان دەيٸن بوكستان ەلەمنٸڭ ەكس-چەمپيونى بەيبٸت شٷمەنوۆ استاناداعى ساۋدا ورتالىعىندا بالانى ۇستاپ وتىرعان ەر ادامدى سوققىعا جىققانى حابارلانعان. كەيٸننەن سپورتشى جانجالعا قاتىستى پٸكٸر بٸلدٸردٸ.
