جامبىل وبلىسىندا اپاتقا ۇشىراعان پويىزدىڭ ماشينيسٸ ۇستالعان جوق. بۇل تۋرالى بٷگٸن ٸشكٸ ٸستەر مينيسترٸ قالمۇحانبەت قاسىموۆ مەلٸمدەدٸ, دەپ حابارلايدى Sputnik قازاقستان تٸلشٸسٸ.
بۇعان دەيٸن "كتك" تەلەارناسى استانا-الماتى باعىتىنداعى پويىزدى باسقارعان ماشينيستٸڭ ۇستالعانىن حابارلاعان ەدٸ. باق اقپاراتىنشا, جولاۋشىلار ۆاگونى اۋدارىلعان ۋچاسكەدە كەزەكشٸلٸك اتقارعان تەمٸرجول جۇمىسشىلارىنان دا جاۋاپ الىنعان.
"ونى ۇستادى دەپ كٸم ايتتى? بۇل جالعان اقپارات, ودان بار بولعانى جاۋاپ الىنىپ, كەيٸن بوساتتى. بۇل دەگەن تۇتاس بٸر قىلمىستىق ٸس, ساراپتاما جٷرگٸزٸلەدٸ", — دەدٸ قاسىموۆ ٷكٸمەت وتىرىسىنان كەيٸن.
ماشينيستٸڭ ۇستالماعانىن بٸرٸنشٸ ينۆەستيتسييالار جەنە دامۋ مينيسترٸ رومان سكليار دە راستادى.
"جوق, ەشكٸمدٸ ۇستاعان جوق. تەرگەۋ وبەكتيۆتٸ, اشىق تٷردە جٷرگٸزٸلەدٸ", — دەپ سەندٸردٸ سكليار.
ەسكە سالىپ ٶتسەك, 17 ماۋسىمدا ساعات 13.25-تە جامبىل وبلىسىنىڭ شۋ اۋدانىندا استانا-الماتى باعىتىنداعى جولاۋشىلار پويىزىنىڭ 8 ۆاگونى رەلستەن شىعىپ كەتتٸ. پويىزدا بارلىعى 829 جولاۋشى بولعان, تٶتەنشە جاعداي سالدارىنان بٸر بالا قازا تاپتى. 25 ادام مەديتسينالىق كٶمەككە جٷگٸنگەن.
