ەلٸمٸزدە قۇرعاق شۇبات پەن قىمىزدى قىتايعا ەكسپورتتاعىسى كەلەتٸن كەسٸپكەرلەر بار. قىتاي تاراپىنان دا بۇل ٶنٸمدەرگە قىزىعۋشىلىق جوعارى. بۇل تۋرالى دٷنيەجٷزٸلٸك ستاندارتتار كٷنٸنە وراي ٶتكەن فورۋمدا ايتىلدى, دەپ حابارلايدى قازاقپارات.
«قۇرعاق شۇباتقا كەلەتٸن بولساق, تٷركٸستان وبلىسىندا Golden Camel دەپ اتالاتىن ٷلكەن ينۆەستيتسييالىق جوبا بار. بٷگٸنگٸ فورۋمدا ايتىپ ٶتكەنٸمدەي, ول كومپانييانىڭ ٶنٸمدەرٸ قىتاي ستاندارتتارىنا ساي», - دەيدٸ «قازاقستان ستاندارتتاۋ جەنە سەرتيفيكاتتاۋ ينستيتۋتى» رمك باس ديرەكتورىنىڭ ورىنباسارى ەركەجان ەمٸرحانوۆا.
بۇدان بٶلەك, قىتايدىڭ ستاندارتتاۋ ورگانى - سٷت ٶنٸمدەرٸ قاۋىمداستىعى ستاندارتى نەگٸزٸندە ۇلتتىق ستاندارتىن جاساۋدى قولعا العان.
«قىتاي ستاندارتىن قازاقستاندىق ٶنٸمگە قولدانۋعا رۇقسات الۋىمىز كەرەك بولدى. قاجەتتٸ قۇجاتتى جٸبەرٸپ, رۇقسات الدىق. بۇل قازاقستاندىق كومپانييا قىتايداعى سٷت ٶنٸمدەرٸ قاۋىمداستىعى ستاندارتىن قابىلداۋ قۇقىعىن الدى. بٷگٸنگٸ تاڭدا قۇرعاق شۇبات اۋىل شارۋاشىلىعى مينيسترلٸگٸ ۆەتەرينارلىق تالاپتار بويىنشا قول قويعان حاتتاماعا كٸردٸ. بۇل حاتتاما وسى ٶنٸمدٸ ەكسپورتتاۋعا جول اشادى», - دەيدٸ ەركەجان ەمٸرحانوۆا.
سونداي-اق, ەركەجان ماعاۋينقىزى قىتايدا قۇرعاق شۇباتقا قاتىستى ستاندارت جوق ەكەنٸن ايتتى.
«قىمىز – ەرەكشە ٶنٸم. قىتايلار بۇل ٶنٸمدٸ كٶپ تۇتىنا بەرمەيدٸ, بٸراق بٷگٸنگٸ تاڭدا قىزىعۋشىلىق ارتىپ كەلەدٸ. ولاردا قىمىزعا قاتىستى ستاندارت جوق بولعاندىقتان, ٶزٸمٸزدٸڭ ۇلتتىق ستاندارتىمىزدى ۇسىنىپ, قىتاي تٸلٸنە اۋدارىپ بەردٸك. ودان كەيٸن بۇل ستاندارت قىتايدىڭ دەنساۋلىق ساقتاۋ مينيسترلٸگٸندە تالقىلانىپ, ارنايى زەرتتەۋدەن ٶتەدٸ», - دەيدٸ ول.
قىتايدىڭ دەنساۋلىق ساقتاۋ مينيسترٸلٸگٸ تاماق ٶنٸمدەرٸنٸڭ قاۋٸپسٸزدٸگٸنە قاتىستى قوسىمشا تالاپتار قوسۋدى ۇسىنعان.
«بٸز ولاردىڭ تالابىن ورىندادىق, ەندٸ جاۋاپ كٷتٸپ وتىرمىز. ولار بٸزدٸڭ ۇلتتىق ستاندارت نەگٸزٸندە قىمىزعا قاتىستى قىتايدىڭ ۇلتتىق ستاندارتىن جاسايدى. تەحنيكالىق تالاپتاردى ورىنداۋ ٶتە ماڭىزدى. قىتايلار ٷشٸن قىمىزدىڭ دەمٸنٸڭ اششىلىعى تاڭسىق دٷنيە بولدى. ال بۇل - بٸز ٷشٸن قالىپتى جاعداي», - دەيدٸ ەركەجان ەمٸرحانوۆا.
