جامبىل وبلىسىنىڭ شۋ اۋدانىنىنىڭ تۇرعىنى ۋچاسكەلٸك پوليتسييا ينسپەكتورىن پىشاقتاپ, قاشىپ كەتكەن, دەپ حابارلايدى "ۇلت اقپارات".
اعىمداعى جىلدىڭ 8 ماۋسىمىندا تٷنگٸ ساعات 22.50 شاماسىندا شۋ اۋداندىق پوليتسييا بٶلٸمٸنٸڭ ۋچاسكەلٸك ينسپەكتورىنىڭ ۇيالى تەلەفونىنا شۋ قالاسىنىڭ 37 جاستاعى تۇرعىنى حابارلاسىپ, ٶزٸنٸڭ ازاماتتىق نەكەدەگٸ كٷيەۋٸ وتباسىلىق جانجال شىعارىپ جاتقاندىعى تۋرالى ايتقان.
شاقىرتۋ بويىنشا كەلگەن ۋچاسكەلٸك پوليتسييا ينسپەكتورىنا 27 جاستاعى جانجال شىعارۋشى ازامات بٸرنەشە رەت پىشاق سالىپ, وقيعا ورنىنان بوي تاسالاعان.
پوليتسييا قىزمەتكەرٸ اۋداندىق اۋرۋحاناعا جاتقىزىلدى, ونىڭ دەنساۋلىعىنا قاۋٸپ جوق.
«اتالعان دەرەك بويىنشا «سيرەنا-1», «توسقاۋىل» جوسپارلارى جارييالانىپ, ٸزدەۋ جۇمىستارىنا پوليتسييا دەپارتامەنتٸ جەنە شۋ, قورداي, مويىنقۇم, ت.رىسقۇلوۆ اۋداندىق پوليتسييا بٶلٸمدەرٸنٸڭ جەكە قۇرامى جۇمىلدىرىلدى. جەدەل-ٸزدەستٸرۋ ٸس-شارالارى بارىسىندا كٷدٸكتٸ شۋ اۋدانىنىڭ العا اۋىلىندا قولعا تٷستٸ, ونىڭ جەڭٸل دەرەجەدەگٸ ماساڭ كٷيدە ەكەندٸگٸ انىقتالدى. كٷدٸكتٸ شۋ اۋداندىق ۋاقىتشا ۇستاۋ يزولياتورىنا قاماققا الىندى», - دەپ جازدى جامبىل وبلىسى پوليتسييا دەپارتامەنتٸنٸڭ باستىعى جانات سٷلەيمەنوۆ فەيسبۋك پاراقشاسىندا.
قازٸرگٸ ۋاقىتتا قازاقستان رەسپۋبليكاسى قىلمىستىق كودەكسٸنٸڭ 380-1-بابى 1-بٶلٸگٸمەن (بيلٸك ٶكٸلٸنە قاتىستى كٷش قولدانۋ) سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە.
